21.11.2019 / 18:56

«Давай, пазванкі яму ламай!» Расійскія найміты знялі на відэа, як забілі сірыйскага дэзерціра 35

Некалькі байцоў прыватнай ваеннай кампаніі (ПВК) Вагнера, якую звязваюць з расійскім бізнэсменам Яўгенам Прыгожыным, пакаралі смерцю дэзерціра з войска прэзідэнта Сірыі Башара Асада. Відэа са здзекамі з'явілася ў сеціве ў чэрвені 2017 года, аднак зразумець, каго там знялі, удалося толькі цяпер, піша «Новая газета».

На апублікаваных кадрах відаць, як некалькі чалавек у нефармальным абмундзіраванні б'юць кувалдай мужчыну на зямлі ў цывільным адзенні. Мужчыны, якія б'юць сірыйца, гавораць па-руску без акцэнту, іграе песня са словамі «здымаю з плячэй цяжкі аўтамат, страляю ў сына, потым страляю ў маці».

У лістападзе 2019 года ў інтэрнэце апублікавалі працяг той гісторыі. На кадрах відаць, як баец адразае яму галаву нажом. Навакольныя пры гэтым крычаць: «Давай, пазванкі яму ламай! Рыдлёўкай давай!» Затым сапёрнай лапаткай мужчыну адсякаюць рукі, падвешваюць за ногі, абліваюць бензінам і спальваюць.

Арабскім СМІ ўдалося ўстанавіць асобу загінулага. Ім аказаўся Махамед Таха Ісмаіл Аль-Абдула, вядомы таксама як Хамадзі Таха Аль-Бута. Ён нарадзіўся ў 1986 годзе ў Дэйр-эз-Зоры, быў мабілізаваны ў ліпені 2017-га ў рэзерв арміі Асада, затым дэзерціраваў, але яго злавілі. Пакаранне адбывалася ў сірыйскай правінцыі Хомс.

«Новай газеце» ўдалося высветліць асобу аднаго з байцоў ПВК. Як мяркуецца, яго завуць Станіслаў Д., у групе Вагнера ён служыў у разведцы. У распараджэнні журналістаў ёсць копія яго пашпарта, анкета службы бяспекі, аўтабіяграфія і распіска аб неразгалошванні інфармацыі. Ён служыў радавым у расійскай паліцыі і ўступіў у ПВК.

NN.by

3
Андрюха Горец (Беларусь Витебск ) / Адказаць
21.11.2019 / 19:03
Вот они - Изуверы !  Вот он - *Русский Мир * !.
4
Логистик / Адказаць
21.11.2019 / 19:10
Рускі мір - сапраўднае аблічча. Там куды ідуць крамлёўскія шакалы будуць рабіць тоеж самае. Ім не важна каго забіць кувалдай: украінца, беларуса, араба, паляка і нават рускага з іншым светапоглядам-гэта звяры, якія адлюстроўваюць канцэпцыю рускага міра, як яе ўяўляюць крамлёўскія карлікі.
І з гэтай краінай Беларусь знаходзіцца ў саюзе???
2
Павел Ас / Адказаць
21.11.2019 / 19:24
І што, расейскі МУС крымінальную справу не пачне супраць гэтых жывёл, якія зьневажаюць маральнае аблічча расеі??? Хаця чаго там зьневажаць, у іхнім МУС такія ж сядзяць :(
Паказаць усе каментары/ 35 /
Каб пакінуць каментар, калі ласка, актывуйце JavaScript у наладах свайго браўзеру