У Крамлі не бачылі апублікаванага ў СМІ відэазапісу, на якім нібыта байцы прыватнай ваеннай кампаніі (ПВК) Вагнера жорстка забіваюць сірыйскага вайскоўца, заявіў прэс-сакратар прэзідэнта Расіі Дзмітрый Пяскоў. Яго цытуе interfax.ru.
Пяскоў адзначыў, што пытанне аб магчымых злачынствах ПВК не знаходзіцца ў кампетэнцыі адміністрацыі прэзідэнта.
Пяскоў таксама абверг меркаванне журналістаў пра тое, што без зацвярджэння Пуціным прыватныя ваенныя кампаніі не могуць функцыянаваць за мяжой.
У снежні мінулага года Дзмітрый Пяскоў заявіў, што заканадаўствам прыватныя ваенныя кампаніі на тэрыторыі Расіі не прадугледжаны.
20 лістапада «Новая газета» паведаміла пра забойства байцамі ПВК Вагнера, якую звязваюць з пецярбургскім бізнэсоўцам Яўгенам Прыгожыным, дэзерціра з войска прэзідэнта Сірыі.