24.11.2019 / 16:14

Новы нумар «Нашай гісторыі»: як Сталін стварыў РПЦ і як літвіны заваёўвалі Сібір 17

Выйшаў лістападаўскі нумар «Нашай гісторыі». У ім моцныя матэрыялы пра тое, як Сталін спачатку знішчыў, а пасля аднавіў Рускую праваслаўную царкву — мусова чытаць. Акрамя таго, звярніце ўвагу на артыкул Андрэя Вашкевіча пра тое, як літвіны заваёўвалі царам Сібір. А таксама вялікі артыкул пра Хаіма Суціна і разгадкі яго творчасці.

Акрамя таго, у нумары:

лётчык Сяргей Грыцавец, біяграфія

паэт Андрэй Александровіч, біяграфія. «Я вінаваты. Але я адпакутаваў». Хлопчык з галоднай Пярэспы, які дапамагаў круціць жорны рэпрэсій. Піша Ганна Севярынец

Зімовая вайна: як фіны адстаялі сваю незалежнасць

Забаронена не значыць нельга. Як жыве Іран — неліберальная, але плюралістычная дзяржава. Піша доктар паліталогіі Сяргей Богдан

«Я лічыў свае дзеянні талентам». Мінскі працэс над фарцоўшчыкамі 1969 года. Успамінае Сяргей Ваганаў

Даспехі вялікіх князёў і дыктафон Алексіевіч: 10 мясцінаў Швецыі, якія варта наведаць беларусам. Піша кандыдат сацыялагічных навук Аляксей Ластоўскі

«На крупнік да пані Янавай з’язджаюцца за 85 кіламетраў, штомілю аблізваючыся па пяць разоў». Беларускі крупнік: самы стары з еўрапейскіх мядовых лікёраў. Піша доктар гісторыі Алесь Белы

Ды шмат чаго іншага, у тым ліку новыя коміксы: гэтым разам «СуперБеларусь-4. З'яўленне Каліноўскага» і «Пластыляндыя».

Вось змест:

Дык падпісвайцеся, і будзеце штомесяц чытаць захапляльнае беларускамоўнае выданне. «Наша гісторыя» апавядае пра беларускую гісторыю цікава, а пра сусветную — з беларускіх пазіцый.

Нагадаю, што праз падпіску — самая нізкая цана на наша выданне.

Падпіска на месяц каштуе 4,77 рубля, на паўгода — 28,62 рубля. За паўгода падпіскай вы ашчадзіце 5 рублёў. А для нас падпіска таксама найбольш выгадная.

А хто не падпісаны, той хай пытаецца часопіс у шапіках і крамках «Белсаюздруку» або на поштах. А таксама вось агульны спіс кнігарань, дзе можна знайсці наш часопіс у розных гарадах:

Мінск

Symbal.by (пр. Машэрава, 18)

«Мой модны кут» (Цэнтр Маскоўска-Венскі, павільён 333 — гэта каля ЦУМа, метро Якуба Коласа, пр. Незалежнасці 58)

«Рагна» (Сухая, 4, метро Фрунзенская)

«Акадэмкніга» (на станцыі метро Акадэмія навук)

Філія «Акадэмкнігі» на Багдановіча, 46

Гандлёвы цэнтр «Купалаўскі» (пад Кастрычніцкай плошчай), крамы 41—42 і 44—45

«Галіяфы» (Няміга, 3, крама № 47 на цокальным паверсе)

Кніжны кірмаш па вул. Даўмана, 23 (субота 00.00-14.00), месца 78б

«Кніжная шафа» (Дзяржынскага, 9)

ды іншыя

Поштай ці з дастаўкай на дом

вы можаце яго замовіць праз Symbal.by, Halijafy.by, Knihi.byKniger.by, Akademkniga.by, Ragna.by.

Гродна

«Цудоўня» (Кірава, 3)

ды іншыя

Брэст

«Князь Вітаўт» (Савецкая, 55)

ды іншыя

Гомель

«Кніжны свет» (пр. Леніна, 45) 

Віцебск

«Светач» (Кірава, 10)

ды іншыя

Магілёў

«Гасцінец» (Віцебскі праспект, 48)

ды іншыя

Бабруйск

«Крыніца ведаў» (Горкага, 31).

Баранавічы

«Кнігі» (вул. Савецкая, 73)

Маладзечна

«Спадчына» (вул. Прытыцкага, 7) 

Ліда

«Кніжны свет» (пр. Перамогі, 33) 

Наваполацк

«Дом кнігі» (вул. Маладзёжная, 145) 

«Усход» (вул. Кірава, 4) 

Пінск

«Мой модны кут» (вул. Леніна, 31)

Вільня

Пабачыць можна ў шапіку беларускай парафіі касцёла ў Зарэччы (Ужупіс), ён працуе ў нядзелі, падчас службы. 

Варшава

Пабачыць можна ў Беларускім доме (13/3, Wiejska).

Нагадваем, што часопіс можна купіць і ў ПДФ, у электроннай версіі. Рэкамендуем яе для ўсіх, у каго няма доступу да папяровай версіі.

Падпісны індэкс 00469

Прычым па падпісцы часопіс абыходзіцца танней, чым у крамах і кіёсках.

Якія прынцыпы часопіса

Мы робім навукова-папулярны часопіс. Гэта значыцца, што ён арыентаваны на простага чытача, а не навукоўцаў. Наш падыход — гісторыя простымі словамі.

Мы задумалі яго як часопіс, які будзе яднаць, а не дзяліць. Акрамя таго, нам важныя сістэмнасць, аб’ектыўнасць і гістарызм. Нам важна пісаць без міфалогіі і містыфікацый, бо толькі праўда цікавая.

Андрэй Дынько

87
Северорусский богатырь / Адказаць
24.11.2019 / 16:19
Русской церкви 1,5 тысячи лет. Не вводите глупых людей в заблуждение! Еще со времен Крещения Руси Русская церковь несет благую весть миру! Переняв эстафету у Константинополя, Москва стала Третьем и последним Римом!  Рэд. Але Рускай яе назваў менавіта Сталін, і новую іерархію з ліку епіскапаў, завербаваных НКВД, стварыў таксама ён.
35
Кажыма праўду / Адказаць
24.11.2019 / 16:37
як літвіны заваёўвалі Сібір

ліЦвіны (бел.), а не «ліТвіны» (pl. litwiny, рас. литвины). НН, калі ласка, пішыце па-беларуску.
P.S. Друкуйце больш матэрыялаў пра тое, як палана-«ліТвіны» (pl. litwiny) здраджвалі свайму народу і прадавалі Вялікалітву. Рэд. Зірніце ў нарматыўныя слоўнікі.
18
Кажыма праўду / Адказаць
24.11.2019 / 17:04
Рэд. Зірніце ў нарматыўныя слоўнікі.
Давайце зірнём. Найвышэйшая норма – закон РБ «Аб Правiлах беларускай арфаграфii i пунктуацыi» (23 лiпеня 2008 г. № 420-З)

Глава 2. Правапіс зычных
...
§ 12. Зычныя д, т i дз, ц
...
2. Чаргаванне [д], [т] з [дз’], [ц’] адбываецца перад мяккiм [в’]: два – дзве, дзвесце, рута – руцвяны, мёртвы – мярцвяк, чатыры – чацвёрты, чэрствы – счарсцвелы.
Лiтара ц i афрыката дз перад мяккiм [в’] пiшуцца згодна з вымаўленнем у словах: дзверы, мядзведзь, бацвiнне, цвёрды, цвярозы, цвiк, цвiлы, цвiсцi, ЛІЦВІН, ЛІЦВІНКА, яцвяг, Мацвей, Мацвеенка, Бацвiннiк i iнш. Выключэнне: твiст.

3. Гукi [д] у канцы прыстаўкi i [т] у складзе суфiкса перад мяккiм [в’]
захоўваюцца нязменна i на пiсьме перадаюцца адпаведна лiтарамi д i т: адвезцi, у таварыстве, у агенцтве, у выдавецтве, аб прыродазнаўстве, у грамадстве, у братэрстве.
Гук [т] вымаўляецца нязменна i на пiсьме перадаецца лiтарай т перад мяккiм [в’] у аддзеяслоўных назоўнiках i ў словах, вытворных ад iх: бiтва – у бiтве, брытва – брытве, брытвенны, клятва – клятве, клятвенны, пiтво – у пiтве, паства – у пастве.
Лiтары д i т пiшуцца таксама ў некаторых iншых словах: мардва – мардве, мардвiн, Мардвiнаў, Лiтва – у Лiтве.


Шаноўная рэдакцыя, прывядзіце мову вашых публікацый у адпаведнасць з законам РБ!
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру