24.11.2019 / 14:33

«Гэта ад народа»: мінскі доктар настаяў, каб бел-чырвона-белы вянок паставілі на Росах разам з афіцыйнымі ФОТА 16

Труны паўстанцаў 1864-га перапахавалі ў Вільні ў каплічцы на могілках Росы. 

Людзі нанеслі ў капліцу з трунамі паўстанцаў кветак, вянкоў, усё гэта пакінулі ля спецыяльнай агароджы, а ўжо на самым ганаровым месцы стаялі вянкі ад урадаў Беларусі, Польшчы, Літвы, Латвіі і Украіны. 

Беларускі вянок, натуральна, з чырвона-зялёнай стужкай.

І гэта бадай што адзіны напамін пра афіцыйную сімволіку, бо больш афіцыйная сімволіка ні ў якім выглядзе на перапахаванні Каліноўскага не прысутнічала, беларусы ўзялі з сабой толькі нацыянальныя бела-чырвона-белыя сцягі. 

Як расказаў «Нашай Ніве» мінскі артапед Аляксандр Дрозд, ён вырашыў выправіць гэтую недарэчнасць у капліцы і папрасіў літоўскую варту дазволіць паставіць вянок з бела-чырвона-белай аздобай:

«Бо гэта — вянок ад народу, а той — ад уладаў». 

Фота Эдуарда Пальчыса.

Для гэтага, кажа Аляксандр, ён звярнуўся да дзяўчыны на варце. 

«Я ёй патлумачыў, што нашыя нацыянальныя колеры бела-чырвона-белыя. Яна пайшла насустрач, але праз нейкі час я яшчэ раз прыйшоў у капліцу, а там яго ўжо не было. У чым справа? Дзяўчына спаслалася на адміністрацыю: маўляў, сказалі вярнуць усё назад. Але я тады проста там сустрэў Кастусёва, ён палітык, патлумачыў яму сітуацыю, мы ўдваіх пайшлі вырашаць гэтае пытанне зноў. Ужо ўмяшаўся хлопец з варты, выслухаў нас і сказаў «без праблем, калі так» і, ні з кім нічога не ўзгадняючы, не «баючыся адміністрацыі», узяў і паставіў вянок назад!» — расказаў доктар. 

Праўда, хто менавіта прынёс менавіта гэты вянок, пакуль невядома. 

NN.by

7
Янэк / Адказаць
24.11.2019 / 14:45
Афіцыйны вянок выглядае як калядны, якім ўпрыгожваюць дзверы
5
Андрюха Горец (Беларусь Витебск ) / Адказаць
24.11.2019 / 14:49
Молодцы !  
12
Ёпрст / Адказаць
24.11.2019 / 14:55
Ну дык літоўцы нам паплечнікі, а не навалач з Усходу!
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру