27.11.2019 / 13:12

Высокапастаўленага беларускага чыноўніка ўкусіў кажан 33

Гісторык Антон Астаповіч расказаў «Нашай Ніве» пра выпадак, які здарыўся днямі з яго прыяцелем.

Паколькі сябар — «высокапастаўлены чыноўнік», за яго пра здарэнне расказаў Астаповіч.

Гісторыя здарылася ў Мінску, у кватэры, дзе няма ката.

«Сябра дастаў з гаўбца зімовыя чаравікі, якія стаялі там улетку і ўвосень, троху пагрэў у хаце і стаў абуваць. Нага лезці не хацела, і нешта кальнула ў палец. Палез, дастаў — кажан. Прабілі па інтэрнэце, што рабіць, і завезлі кажана ў пункт ратавання. А сябра патрапіў на поўны антырабічны курс», — кажа гісторык.

Рэч у тым, што кажаны, як і другія дзікія млекакормячыя, —патэнцыйныя пераносчыкі шаленства.

Ілюстрацыйнае фота, з фэйсбука «КажанаПоліса».

У цэнтры ратавання рукакрылых «КажанаПоліс» памятаюць, як ім прывезлі таго кажана ў каробцы.

«Ён спіць, жывы-здаровы. Гэта быў двухколерны кажан, дзяўчынка», — расказаў супрацоўнік цэнтра Аляксей Шпак.

Ён дадаў, што прымаць рукакрылых на зімоўку пачалі толькі на мінулым тыдні, як тэмпература апусцілася ніжэй за нуль. Цяпер у цэнтры спіць сем кажаноў — шэсць двухколерных і адзін паўночны.

НЛ

2
Qwi / Адказаць
27.11.2019 / 13:24
Карма.
1
Цетка Алена / Адказаць
27.11.2019 / 13:33
Нават найвышэйшыя чыноунiкi бэзабаронныя супраць прыроды !
3
даведка / Адказаць
27.11.2019 / 13:40
Оказывается, не только чиновники сосут народную кровушку, но и их самих... ))
Паказаць усе каментары/ 33 /
Каб пакінуць каментар, калі ласка, актывуйце JavaScript у наладах свайго браўзеру