01.12.2019 / 10:11

Жонка Сяргея Румаса распавяла, як спрачалася з ім наконт закона аб адтэрміноўках і гомельскай настаўніцы 21

Жанна Румас напярэдадні 50-гадовага юбілею мужа, прэм'ер-міністра Беларусі Сяргея Румаса, дала вялікае інтэрв'ю Tut.by. Сярод іншага яна распавяла, што абмяркоўвае з мужам рэзанансныя падзеі ў краіне і не заўсёды з ім згаджаецца.

— Часта дома абмяркоўваеце нейкія рэзанансныя падзеі?

— Бывае.

— Прыведзяце прыклад, калі вашы пункты гледжання разыходзіліся?

— Спрачаліся наконт адтэрміновак у войска, наконт гомельскай настаўніцы.

— Якое было ваша меркаванне?

— Лічу, што настаўніцу трэба было пакараць. Я абапіралася на відэа ў інтэрнэце. Згодная, што цяпер дзеці бываюць не падарунак. Але калі цябе можа вывесці з сябе 10-гадовы школьнік, каб ты пачала лаяцца матам, то мне здаецца, што настаўнік маральна выгарэў.

Што тычыцца службы ў войску, то я таксама не згодная, што туды трэба заганяць сілай. Дзяржава марнуе вялікія грошы на адукацыю. Далей людзі павінны рэалізоўваць свае прафесійныя веды на практыцы. А які эфект ад паходу на год у войска? Некаторыя, давайце казаць шчыра, за гэты час ні разу не бачылі аўтамата. Мне здаецца, нам трэба рухацца да прафесійнай арміі, а не зганяць туды ўсіх запар. Можа гэта мой такі жаночы погляд, таму што я маці чацвярых хлопчыкаў. Сяргей пераконваў мяне, паказваў графікі, што хутка будзе няма каму служыць і гэтак далей. Плюс ён быў вайскоўцам.

Чытайце таксама:

Сем фактаў пра новага прэм’ер-міністра Сяргея Румаса

NN.by

7
CVV / Адказаць
01.12.2019 / 10:22
Ну хоць нехта ў Беларусі не хавае свае адэкватныя погляды.
7
Bac'ka Ihara / Адказаць
01.12.2019 / 10:24
Згодны з жонкай Румаса.
7
Сержик / Адказаць
01.12.2019 / 10:30
Всё правильно сказала! Супер!!! Жаль, что у власти другие.
Паказаць усе каментары/ 21 /
Каб пакінуць каментар, калі ласка, актывуйце JavaScript у наладах свайго браўзеру