Заробак работнікаў бюджэтнай сферы ў 2020 годзе будзе расці апераджальнымі тэмпамі, паведаміў міністр фінансаў Максім Ермаловіч у эфіры тэлеканала СТБ, паведамляе БЕЛТА.

«Мы фактычна набліжаемся да паказчыка 80% (да сярэдняй зарплаты па краіне) на канец года. Па многіх абласцях паказчык ужо перавышае 80%. Праблема ў Мінску, дзе гэтыя суадносіны значна ніжэйшыя. У цэлым гэта ўплывае на агульны паказчык па краіне. Мы будзем дзесьці на ўзроўні 78-79%, г.зн. вельмі блізка да 80% на канец года», - сказаў Максім Ермаловіч.

Па словах міністра, толькі паскораны рост заработнай платы ў эканоміцы не дазволіў выйсці на мэтавыя суадносіны, але гэта будзе зроблена ў наступным годзе. «Мы закладаем апераджальныя тэмпы росту заработнай платы ў бюджэтным сектары, бо яны ў папярэднія гады адставалі. Цяпер нам трэба рабіць больш хуткі крок», - дадаў ён.

Хочаш падзяліцца важнай інфармацыяй ананімна і канфідэнцыйна?