02.12.2019 / 09:44

У Свіслацкім раёне легкавік вылецеў у кювет

Аварыя здарылася 1 снежня каля 21.30 у аграгарадку Новы Двор, там два гады таму бясследна прапаў Максім Мархалюк

На вуліцы Пружанскай аўтамабіль «Форд» на закругленні дарогі вылецеў у кювет. Пярэдняя частка ў машыны сур'ёзна пашкоджана, паведамляе ДАІ Гродзенскай вобласці.

Кіроўца, 20-гадовы жыхар Брэста, з пераломамі рэбраў шпіталізаваны ў Свіслацкую бальніцу.

Па факце ДТЗ праводзіцца праверка. Прычынай аварыі мог стаць няправільны выбар хуткасці.

NN.by

Каб пакінуць каментар, калі ласка, актывуйце JavaScript у наладах свайго браўзеру