Спадарожнік NASA выявіў на Месяцы абломкі індыйскага спушчальнага апарата
Месяцовая арбітальная станцыя Нацыянальнага ўпраўлення па аэранаўтыцы і даследаванні касмічнай прасторы ЗША (NASA) выявіла на паверхні спадарожніка Зямлі абломкі індыйскага апарата «Вікрам», які разбіўся пры пасадцы ў верасні. Аб гэтым паведамляецца на сайце NASA.
The #Chandrayaan2 Vikram lander has been found by our @NASAMoon mission, the Lunar Reconnaissance Orbiter. See the first mosaic of the impact site https://t.co/GA3JspCNuh pic.twitter.com/jaW5a63sAf
— NASA (@NASA) December 2, 2019
NASA прадставіла фатаграфію з месца ўдару «Вікрама» аб паверхню Месяца, на здымку пазначаны рознымі колерамі абломкі апарата і сляды падзення абломкаў.
«Вікрам», які ўваходзіў у склад індыйскай аўтаматычнай месяцовай экспедыцыі «Чандраян-2», павінен быў мякка сесці на спадарожнік Зямлі 7 верасня, але на вышыні каля 2 км над Месяцам апарат страціў кантакт з цэнтрам кіравання палётам, пасля чаго ўрэзаўся аб месяцовую паверхню і распаўся.
Апарат павінен быў даставіць на Месяц невялікі месяцаход «Праг'ян» для даследавання раёна Паўднёвага полюса спадарожніка Зямлі.
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16
Каментары