03.12.2019 / 11:20

Міністр абароны Эстоніі скептычна ставіцца да заяў Макрона аб дыялогу з Расіяй 3

Міністр абароны Эстоніі Юры Луйк заявіў, што патрэба ў НАТА цяпер большая, чым калі-небудзь, бо Расія зноў з'яўляецца пагрозай. Пра гэта паведамляе партал ERR.

«Мы павінны максімальна засяродзіцца на агульных каштоўнасцях і рэальнай пагрозе бяспецы. Мы павінны шчыра сказаць, што калі Расія — гэта пагроза, то гэта пагроза. Няма сэнсу хаваць праўду і спрабаваць упрыгожыць яе», — сказаў Луйк.

Прэзідэнт Францыі Эмануэль Макрон нядаўна заявіў, што неабходны далейшы дыялог з Расіяй. Паводле Луйка, Эстонія скептычна ставіцца да гэтага.

«Я працаваў паслом у Расіі, я ўяўляю сабе, што такі дыялог не мае для расейцаў асаблівай дадатковай каштоўнасці. Вядома, расейцы хочуць за гэта нешта атрымаць. Але мы не можам даць ім тое, што хочуць расіяне», — сказаў Юры Луйк, праўда, не ўдакладняючы, чаго хочуць расейцы.

Раней генеральны сакратар НАТА Енс Столтэнберг заяўляў пра неабходнасць дыялогу з Расіяй для паляпшэння адносін з ёй.

NN.by

5
Пануры / Адказаць
03.12.2019 / 14:34
Хлопча, хто ты такi каб абмяркоуваць выказывання Макрона? Камандзiр двух танкау i аднаго верталета?
1
меркаванне / Адказаць
03.12.2019 / 14:55
Пануры, ну уж лепш ведае, што такое расея, чым Макрон. Гэта ж эстонцы былі акупіраваныя, а не французы. 
0
Пануры / Адказаць
04.12.2019 / 08:55
меркаванне, што ен можа ведаць? Ен тады яшчэ у школу хадзiу, БЕЗУМОУНА ПАД ДУЛАМ АКУПАНТСКАГА АК-45. Дзякуй богу хаця вывучылi акупанты, прауда  сабе на галаву. 
Каб пакінуць каментар, калі ласка, актывуйце JavaScript у наладах свайго браўзеру