БелТА
Пра гэта прэзідэнт Сербіі Аляксандр Вучыч заявіў сёння на перамовах з Аляксандрам Лукашэнкам у пашыраным складзе, піша БЕЛТА.
«Сербія заўсёды будзе вашым шчырым сябрам, мы ганарымся нашай дружбай. Былі часы, калі некаторыя баяліся сказаць, наколькі мы цэнім і любім беларускі народ. Сёння мы ўсюды гаворым пра гэта з гонарам і хочам, каб вы прыязджалі сюды як мага часцей», — заявіў Аляксандр Вучыч.
Прэзідэнт упэўнены, што візіт беларускага лідара ў Сербію стане стымулам для развіцця двухбаковых адносін. «У нашым супрацоўніцтве ёсць патэнцыял не толькі для павелічэння тавараабароту, але і для супрацоўніцтва ва ўсіх абласцях, — лічыць сербскі лідар. — Я ўчора і сёння ўжо многаму навучыўся ў прэзідэнта Лукашэнкі, уключаючы пытанні абароны, бяспекі».
