Новым генеральным дырэктарам культурна-спартыўнай установы «Чыжоўка-Арэна» прызначаны Павел Сцяпанаў, паведамляюць Мінск-Навіны.

Сцяпанаву — 55 гадоў, ён нарадзіўся ў горадзе Самборы (Львоўская вобласць).

З 1986 па 2018 год праходзіў службу на розных камандных пасадах ва Узброеных сілах СССР і Беларусі, спецпадраздзяленні «Алмаз» МУС і Службе бяспекі прэзідэнта. Пасля звальнення ў запас працаваў начальнікам аддзела тэхнічных сродкаў кіравання бяспекі фонду «Дырэкцыя II Еўрапейскіх гульняў 2019 года».

Папярэднім кіраўніком «Чыжоўка-Арэны» быў Аляксей Пракаповіч, які з кастрычніка 2019 года прызначаны генеральным дырэктарам «Мінск-Арэны».

Хочаш падзяліцца важнай інфармацыяй ананімна і канфідэнцыйна?