03.12.2019 / 17:20

Лукашэнка: Я б хацеў бачыць апазіцыю ў парламенце, але… 34

Фота Надзеі Бужан

Пра гэта кіраўнік дзяржавы заявіў сёння падчас выступу ў Народнай скупшчыне Сербіі, піша БелТА.

«Зусім нядаўна адбыліся парламенцкія выбары ў Беларусі.

Паверце, больш той дэмакратыі і свабоды, у якой праходзілі выбары ў Беларусі, мы не зробім. Мы, напэўна, проста не здолеем правесці лепш. Мы ўсяляк імкнуліся дагадзіць не толькі нашым спонсарам і заўзятарам на ўсходзе, але і ў Еўрасаюзе. І што ў выніку?

Адны былі ўражаныя вынікамі выбараў, а другія сказалі: апазіцыя не трапіла ў парламент — бяда, значыць, дрэнна ці не дэмакратычна, значыць, зноў няма свабоды, дыктатура. Глупства поўнае. Мы нікога не ціснулі», — падкрэсліў Аляксандр Лукашэнка.

Кіраўнік дзяржавы заявіў, што заходнія назіральнікі загадзя падрыхтавалі негатыўныя справаздачы пра выбары ў Беларусі, а потым толькі падпісалі іх.

«Я хацеў, каб было тры-пяць-дзесяць апазіцыянераў, — дадаў ён. — Але як іх правесці, калі ў апазіцыянераў 3,5% галасоў?»

NN.by

2
Alisa / Адказаць
03.12.2019 / 17:34
ну каго у нас цікавяць лічбы - намалявалі б ім прыгожыя 25% і бачылі б іх у парламенце ў свае задавальненне
9
Алесь Белы / Адказаць
03.12.2019 / 17:34
Проста шчыраму сялянскаму менталітэту, які абсалютна пераважае ў нашай краіне, непатрэбны ніякі парламентарызм. І ўвогуле ніякае грамадскае жыццё, каб сказаць дакладней. Толькі матэрыяльныя даброты. Таму ніякія незалежныя ініцыятывы, не падтрыманыя міліцэйска-адміністратыўнай моцай, не маюць дастатковай падтрыкі. Вышываначны вырай.
2
Ліцьвін металіст / Адказаць
03.12.2019 / 17:39
Спонсары на ўсходзе, пратрындзеўся...
Паказаць усе каментары/ 34 /
Каб пакінуць каментар, калі ласка, актывуйце JavaScript у наладах свайго браўзеру