03.12.2019 / 19:34

Кітайцы пабудуюць пад Оршай гандлёвы гарадок за 128 мільёнаў рублёў 4

Кітайская кампанія Shaanxi Zhongqiao Silk Road Technology Development стала рэзідэнтам асаблівай эканамічны зоны «Брэміна-Орша» і мае намер пабудаваць Міжнародны гандлёвы гарадок Шаўковага шляху. Пра гэта гаворыцца на сайце «Брэміна груп», піша tut.by.

Гэты праект рэалізуецца ў рамках кітайскай ініцыятывы «Пояс і Шлях».

На плошчы 62 га плануецца пабудаваць гандлёва-выстаўны комплекс, дзе будзе ажыццяўляцца аптовы і дробнааптовы гандаль таварамі народнага спажывання, дастаўка тавараў і складаванне, аперацыі па гандлі таварамі з электронных пляцовак, а таксама правядзенне выстаў тавараў з розных азіяцкіх краін.

Сума інвестыцый у праект складае больш за 128 млн рублёў.

Асаблівая эканамічная зона пачала функцыянаваць у гэтым годзе ў пасёлку Балбасава Аршанскага раёна, дзе «Брэміна груп» будуе шматфункцыянальны комплекс. На працягу 50 гадоў у АЭЗ будзе дзейнічаць спецыяльны падатковы рэжым.

Меркаваная плошча забудовы комплексу — 230 га. Тэрмін сканчэння ўсяго праекта запланаваны на канец снежня 2023 года.

NN.by

0
Той самы / Адказаць
03.12.2019 / 19:44
Чарговы распіл бабла пад эгідай "самізнаіцякаво". Добра што ў нас няма карупцыі...
0
Алег С. / Адказаць
03.12.2019 / 20:14
Скупка Беларусі.
0
Ёпрст / Адказаць
03.12.2019 / 20:42
Вядома, што у Расеі няма ніякіх сваіх прамысловых тавараў, там толькі кітайскі кантрабас, таму лагічна што Шурык даў згоду будаваць кітайцам :-) Ну не аддаваць жа расейцам грошы :-)
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру