05.12.2019 / 15:29

Лукашэнка папрасіў Андрэйчанку дапамагчы арганізаваць працу новага парламента 2

Аляксандр Лукашэнка папрасіў Уладзіміра Андрэйчанку, які абраны дэпутатам Палаты прадстаўнікоў сёмага склікання, дапамагчы арганізаваць працу новага складу ніжняй палаты парламента. Аб гэтым кіраўнік дзяржавы сказаў сёння на сустрэчы, дзе прысутнічаў і абраны ў Палату прадстаўнікоў Валерый Міцкевіч, які да цяперашняга часу працаваў на пасадзе намесніка кіраўніка Адміністрацыі, перадае БЕЛТА.

«Парламент сфарміраваны. Але трэба будзе вялікая праца. Я менш, вы больш гэта ведаеце. Па арганізацыйных пытаннях: людзі павінны мець працоўнае месца, сувязь. Людзі павінны быць праінфармаваныя аб сваім працоўным месцы ў Авальнай зале, як працаваць там. Ну і шмат іншых пытанняў», — сказаў Лукашэнка.

Кіраўнік дзяржавы адзначыў, што гэта права дэпутатаў — выбіраць старшыню Палаты прадстаўнікоў і яго намесніка.

«Але думаю, што калі вы выканаеце мае даручэнні зараз, гэта будзе вялікі плюс у ваш дэпутацкі партфель», - падкрэсліў беларускі лідар.

NN.by

1
Алег С. / Адказаць
05.12.2019 / 15:53
Майстар-клас па маўчанні
0
Баршчэўскі / Адказаць
05.12.2019 / 23:51
ну так, ніводнага слова ад Андрэйчанкі я так і не пачуў за 5 з паловай гадоў існаваньня Вярхоўнага Савета 12-га скліканьня. Відавочна, што арганізатар маўчаньня ён проста ідэальны!
Каб пакінуць каментар, калі ласка, актывуйце JavaScript у наладах свайго браўзеру