Улада3131

Фільм блогера Нехта пра Лукашэнку прызналі экстрэмісцкім

Фільм «Лукашэнка: крымінальныя матэрыялы» блогера Сцяпана Пуцілы ўжо прызнаны экстрэмісцкім альбо будзе прызнаны ім у найбліжэйшы час. Пра гэта са спасылкай на крыніцы паведаміў у сваім тэлеграм-канале журналіст Арцём Гарбацэвіч. 

На гэты момант у фільма амаль 1,9 мільёна праглядаў на ютубе. Ён уяўляе з сябе кампіляцыю старых фактаў і іх інтэрпрэтацый, непрыемных для кіраўніка Беларусі.

Што трэба, каб прызнаць фільм экстрэмісцкім? Хтосьці мусіць падаць заяву ў рэспубліканскую экспертную камісію. Выглядае, што такую ініцыятыву праявіла МУС.

Камісія на чале з дырэктаркай Нацыянальнай кніжнай палаты Беларусі Аленай Івановай разглядае заяву і выносіць сваё рашэнне.

Сябры камісіі пацвердзілі «Нашай Ніве»: адпаведнае паседжанне сапраўды было. «Доўга сядзелі, выказваліся розныя меркаванні, наколькі я памятаю, у выніку не ўсе прагаласавалі аднолькава», — расказаў адзін з удзельнікаў нарады. У выніку сябры камісіі ўсё ж прызналі фільм «Лукашэнка: крымінальныя матэрыялы» экстрэмісцкім.

У Міністэрстве інфармацыі гэтую сітуацыю не каментуюць, у прыватнасці, ад каментароў адмовіўся Ігар Бузоўскі — намеснік міністра і адначасова намеснік старшыні экспертнай камісіі.

Абапіраючыся на заключэнне камісіі, адзін з раённых ці гарадскіх судоў Беларусі прызнае фільм экстрэмісцкім. Пасля чаго праз 15 дзён рашэнне ўступае ў сілу.

Наколькі вядома «НН», адпаведнае паседжанне суда ўжо адбылося, аднак няясна, ці ўжо прайшлі патрэбныя 15 дзён.

Што за наступствы цягне гэтае рашэнне? Мы спыталіся пра гэта ў юрысткі Марыі Колесавай-Гудзілінай. Яна кажа, што звычайна на практыцы гэта адбываецца так: 

«Пасля ўступлення ў сілу тыя, хто распаўсюджваюць фільм — будуць лічыцца парушальнікамі закона. З гэтага вынікае, напрыклад, што кампанія, якая кантралюе Ютуб на тэрыторыі Беларусі, напэўна, будзе вымушаная абмежаваць да яго доступ. Нейкія рэпосты ў сацыяльных сетках — таксама парушэнне. Вядома, за ранейшыя рэпосты не пакараюць, калі яны былі да рашэння. Але ўсё пасля яго — незаконна», — патлумачыла «Нашай Ніве» юрыстка Марыя Колесава-Гудзіліна.

Каментары31

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Лукашэнка спрабаваў высветліць, хто настукаў Пуціну пра георгіеўскія стужкі6

Лукашэнка спрабаваў высветліць, хто настукаў Пуціну пра георгіеўскія стужкі

Усе навіны →
Усе навіны

Наталля Эйсмант: Зянковіча вызвалілі па просьбе Вашынгтона18

Спецпасланнік Трампа заявіў пра гатоўнасць Зяленскага да тэрытарыяльных саступак Расіі13

Прагматычная аўтобусная кампанія запусціла рэйс з Мінска ў Абхазію. Але ёсць нюанс4

Сіноптыкі папярэдзілі пра замаразкі да -5°С у ноч на пятніцу, а ў нядзелю — складаныя ўмовы надвор'я

Польшча расследуе гібель пяці чалавек, целы якіх вылавілі ў рацэ Буг2

Як выглядае Юрась Зянковіч пасля вызвалення ФОТАФАКТ4

Уначы на пажары ў лесе ў Воранаўскім раёне маліліся ксёндз, вяскоўцы і блогер9

Гарадскія ўлады патлумачылі, чаму прыбралі «разумны» прыпынак на Нямізе1

Іканапісец і мастачка Ксіша Ангелава мае патрэбу ў дапамозе3

больш чытаных навін
больш лайканых навін

Лукашэнка спрабаваў высветліць, хто настукаў Пуціну пра георгіеўскія стужкі6

Лукашэнка спрабаваў высветліць, хто настукаў Пуціну пра георгіеўскія стужкі

Галоўнае
Усе навіны →

Заўвага:

 

 

 

 

Закрыць Паведаміць