Кіно11

Андрэй Курэйчык зняў фільм у маляўнічай сядзібе ў Красках, а на ролю ўзяў самога амбасадара Францыі 

У Нацыянальным мастацкім музеі скончыліся здымкі новага праекта рэжысёра і сцэнарыста Андрэя Курэйчыка «LIBERTÉ» (у літаральным перакладзе «Свабода»), перадае аўтар на сваёй старонцы ў фэйсбуку. 

Філасофская драма здымалася на працягу ўсёй восені спачатку ў вёсцы Краскі Ваўкавыскага раёна на мяжы з Польшчай, а затым і ў Мінску. Пры гэтым падрыхтоўка да праекта па словах стваральнікаў ішла тры гады.

Сядзіба ў Красках Ваўкавыскага раёна стала пляцоўкай для здымак фільма. Фота Party-zan фільм. 

«Пасля поспеху «Двіженія вверх» я вырашыў, што прыйшла пара зрабіць нешта сур'ёзнае ў Беларусі, — распавядае прадзюсар і рэжысёр драмы «LIBERTÉ» Андрэй Курэйчык. — Разам з маім сябрам і сааўтарам яшчэ з часоў «Вышэй за неба» Дзмітрыем Марыніным быў абраны сюжэт, які мы прапрацоўвалі некалькі гадоў, пакуль, нарэшце, менавіта гэтай восенню нечакана для нас усё не склалася разам: сцэнар, каманда, цудоўныя акцёры».

Для праекта «LIBERTÉ» кінакампаніі «БезБуслоу Артс» прыйшлося парушыць правіла «кіно пра беларусаў, для беларусаў і сіламі толькі беларускай каманды». Праект атрымаўся міжнародным: адну з галоўных роляў у беларускай карціне сыграла зорка нямецкага кіно і тэлебачання немец Жан-Марк Бірхольц.

Фота Party-zan фільм. 

Яшчэ адну ролю нечакана прымерыў на сябе Надзвычайны і паўнамоцны пасол Францыі ў Рэспубліцы Беларусь Дыдзье Канес. Гэта першы выпадак, калі дзейны дыпламат такога рангу непасрэдна бярэ ўдзел у здымках незалежнага беларускага кіно.

Амбасадар Францыі Дыдзье Канес.

Галоўную ролю ў фільме сыграла вядучая актрыса Нацыянальнага тэатра імя Янкі Купалы Святлана Анікей, якую кінаглядач ужо палюбіў за ролі ў фільмах «Хрусталь» Дар'і Жук і «Возера радасці» Аляксея Палуяна. Акрамя Святланы Анікей у фільме сыгралі Сяргей Уласаў, Яраслаў Шкуратаў, Юрый Цароў і Ева Анікей.

Для артыстаў праект быў вельмі складаным не толькі з-за творчых задач і экспедыцыі ў аддаленую вёску Краскі, але і таму, што фільм здымаўся адразу на 4 мовах: рускай, нямецкай, французскай і беларускай.

Фота Party-zan фільм. 

У кадры кожны з персанажаў гаварыў на сваёй роднай мове. Атрымалася ўнікальная мультылінгвістычная кінапрастора.

Прэм'ера беларускай драмы «LIBERTÉ» чакаецца ў 2020 годзе. Фільм быў зняты без дзяржаўнай падтрымкі.

Каментары1

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

На вуліцы Матусевіча ў Мінску побач з дзіцячым садком упаў беспілотнік

На вуліцы Матусевіча ў Мінску побач з дзіцячым садком упаў беспілотнік

Усе навіны →
Усе навіны

Лаўроў канстатаваў поўную адсутнасць саюзнікаў у Расіі13

Грыбнік паказаў пяць відаў баравікоў з беларускіх лясоў

Пяскоў: Трамп і Пуцін могуць сустрэцца ў Кітаі, калі «апынуцца ў адным горадзе»

У Гродне хлопец у касцюме анёла граў на саксафоне і спяваў серэнаду

У Астрахані абрынуўся пад'езд пяціпавярховага дома2

«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс21

Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос41

Дзяўчына на Прыпяці вылавіла гіганцкага сома — 2,25 метра6

СБУ: Затрыманы агент КДБ, які шпіёніў на паўночнай мяжы Украіны3

больш чытаных навін
больш лайканых навін

На вуліцы Матусевіча ў Мінску побач з дзіцячым садком упаў беспілотнік

На вуліцы Матусевіча ў Мінску побач з дзіцячым садком упаў беспілотнік

Галоўнае
Усе навіны →

Заўвага:

 

 

 

 

Закрыць Паведаміць