09.12.2019 / 16:28

Доўгачаканы фільм «Купала» прадставяць 17 снежня 4

Праца над стварэннем фільма «Купала» скончаная, і яго прэзентуюць 17 снежня, паведамляюць Мінск-навіны.

У Дзень беларускага кіно адбудзецца закрыты перадпрэм'ерны паказ «Купалы» у кінатэатры «Масква». Першымі гледачамі стануць ганаровыя госці, прадстаўнікі кінематаграфічнай грамадскасці і прэсы. У іх будзе магчымасць не толькі ацаніць нацыянальны кінапраект, але і пагутарыць са здымачнай групай і акцёрамі. Рэжысёр Уладзімір Янкоўскі асабіста прадставіць карціну.

Вядома, што камісія Міністэрства культуры ўжо прыняла гэты фільм.

У пракат ён выйдзе ў другой палове 2020 года. Спярша - фестывальнае жыццё. У 2020 годзе плануецца прадставіць «Купалу» на фестывалях класа А.

NN.by

0
Кажыма праўду / Адказаць
09.12.2019 / 17:23
Не загаснуць зоркі ў небе,
Покі неба будзе, –
Не загіне край забраны,
Покі будуць людзі.

Ночка цёмная на свеце
Вечна не начуе;
Зерне, кінутае ў ніву,
Ўсходзіць ды красуе.

Янка Купала, «Нашай ніве», 1911
9
Litvin z Pinska / Адказаць
10.12.2019 / 09:22
Кажыма праўду, добры верш. Амаль адзіная цужоўная кропля якую стварыў гэты сталінскі панегерыст.
0
Баршчэўскі / Адказаць
10.12.2019 / 12:04
Litvin z Pinska,

ну вы загнулі!
Чытайце зборнікі "Шляхам жыцьця", "Спадчына", вершы 1926 - 28 гадоў А што ён там нешта быў змушаны пісаць пра Сталіна (і ці ён гэта пісаў, невядома) - не хацеў бы, каб вы пабылі на яго месцы, асабліва пасьля спробы самагубства...
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру