Беларусь і ЗША падпісалі двухбаковую дамову аб адкрытым небе, паведамляе сайт Дзярждэпартамента.
«Пагадненні аб адкрытым небе вызначаюць правілы, якія спрыяюць росту эфектыўнай міжнароднай грамадзянскай авіяцыі, заснаванай на рынкавых правілах», — гаворыцца ў паведамленні. Гэтыя пагадненні дапамогуць стварыць дадатковыя магчымасці для турыстаў, а таксама для бізнэсу, лічаць у Дзярждэпартаменце.
Пагадненне, падпісанае 3 снежня, стала першай двухбаковай дамовай па адкрытым небе, падпісанай з Беларуссю.
Дамова па адкрытым небе — шматбаковая міжнародная дамова, якая дазваляе свабодныя палёты няўзброеных разведвальных лятальных апаратаў у паветранай прасторы краін-падпісантаў. Мэтай дамовы з'яўляецца спрыянне ўмацаванню даверу паміж дзяржавамі праз удасканаленне механізмаў кантролю за вайсковай дзейнасцю і за выкананнем дзейных дамоваў у галіне кантролю над узбраеннямі.
На дадзены момант ўдзельнікамі дамовы з'яўляюцца 32 еўрапейскія дзяржавы, а таксама Канада і ЗША.
