bsu.by
Студэнты эканамічнага факультэта БДУ распрацавалі сістэму па выяўленні «безбілетнікаў» у грамадскім транспарце. Аўтарскі калектыў прадставілі трэцякурснікі Максім Талкачоў і Арцём Бабёнак і чацвёртакурснікі Станіслаў Качалка і Арцём Латышаў, паведамляе прэс-служба ўніверсітэта.
Для выяўлення пасажыраў-безбілетнікаў распрацоўшчыкі прапануюць выкарыстоўваць датчыкі вымярэння масы, што прыпадае на падвеску колаў аўтобуса, і лічыльнікі прабітых талонаў. Змена вагавых паказчыкаў пры захаванні або непрапарцыйным ваганні дадзеных аб праязных квітках паказвае на наяўнасць у транспарце людзей, што не аплацілі праезд.
Прыборы счытваюць інфармацыю ў перыяд адкрыцця дзвярэй да пасадкі пасажыраў. Акрамя таго, сэрвіс дазваляе вызначыць загружанасць таго ці іншага маршруту і мэтазгоднасць пуску дадатковых аўтобусаў.