10.12.2019 / 15:19

У Мінску з'явіліся дзясяткі аранжавых туфляў. Што гэта значыць? ФОТА 13

10 сьнежня — Дзень правоў чалавека. У гэты дзень на плошчы Якуба Коласа ініцыятыва «Маршыруй, дзетка» зладзіла «арт-інтэрвенцыю» супраць хатняга гвалту над жанчынамі, піша Радыё Свабода.

На плошчы Якуба Коласа актывісткі расставілі 36 пар абутку, які яны сабралі за дзень праз суполку ў Facebook. Акцыя прысвечаная глабальнай кампаніі супраць хатняга гвалту ў дачыненні жанчын і дзяўчатак.

Сёлета лозунг кампаніі — «Расфарбуй свет у аранжавы колер. Пакаленне роўнасці выступае супраць згвалтаванняў». Таму валанцёркі пафарбавалі абутак у аранжавы.

Туфлі сімвалізуюць ахвяр, пацярпелых ад хатняга гвалту. Сёлета ад хатняга гвалту ў Беларусі загінулі 55 чалавек.

«У нас дагэтуль няма закону аб хатнiм гвалце. А гэтыя жанчыны i дзецi апынулiся ў такіх сітуацыях. Мы выбралі абутак для арт-інсталяцыі, бо ён красамоўна гаворыць пра людзей, якіх больш няма», — кажа адна з каардынтарак ініцыятывы Марына Корж.

Такія акцыі ўжо праходзілі ў Стамбуле, Рыме, Ерэване.

Раней улады забаранілі пікеты супраць хатняга гвалту ў Мінску. Пікеты планавалі правесці 9 і 10 снежня ў Кіеўскім скверы ў межах кампаніі «16 дзён актыўных дзеянняў супраць гендарнага гвалту».

NN.by

23
Максим Дизайнер / Адказаць
10.12.2019 / 15:52
А супраць психологического насилия акции будут?Против искалеченных судеб детей, которые смотрят на это со стороны?А то все полковники почти в полном составе сидят на стакане. Большинство - после разводов с принцессами, достойных большего. Классика про отжатую квартиру и две машины(у одного моего знакомого) - тоже имеет место. Плюс невыездной из-за мадам. Профукал официальное приглашение на хорошую должность в развитую европейскую страну. Против этого когда бастовать будут?С уголовниками - итак понятно. Новости из страны атеистов. А с психологическими деспотами когда воевать будут, как в Швеции с их ювенальной юстицией?
12
Пан Алесь з Жухавіч / Адказаць
10.12.2019 / 16:40
Уразліва. Акцыя нагадага памнік у Будапешце, на беразе Дунаю.
18
Сусед / Адказаць
10.12.2019 / 17:09
Так то оно так.
Но тогда ради этого равенства надо выставить сколь-ко то чёрных что ли, с надписями..забит сковородкой, зарезан. т.д. 
Мужчины склонны применять физическое и сексуальное насилие, женщины - психоэмоциональное, последствия которого могут быть хуже побоев.


Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру