Марыя Васілевіч: Больш не размяшчаю платную рэкламу ў інстаграме 9
«Міс Беларусь — 2018» Марыя Васілевіч, пакуль яшчэ не была дэпутаткай, публікавала шмат рэкламы ў сваім інстаграме. Адзенне, касметыка, мінеральная вада, ёгурты… Гэта нармальная практыка і добры даход для славутасцяў па ўсім свеце.
Аднак цяпер усё змянілася. Паводле заканадаўства, дэпутат Палаты прадстаўнікоў не мае права выконваць аплатную работу, акрамя педагагічнай, навуковай, культурнай, творчай дзейнасці і медыцынскай практыкі.
Карэспандэнт «НН» запытаўся дэпутатку, што яна будзе рабіць у такой сітуацыі?
«Цяпер я не размяшчаю рэкламу на платнай аснове ў інстаграме», — запэўніла Марыя Васілевіч.