Пра гэта ў Рэдакцыю напісаў старшыня Таварыства беларускай мовы ў Наваградку Дзмітрый Солтан: «Сёння ідзе другая частка стварэння помніка. Папярэдні праект помніка з эскізам быў адобраны, цяпер актыўна ствараецца рабочая мадэль.
Паралельна са стварэннем мадэлі патрэбныя грошы на канчатковую праектна-каштарысную дакументацыю, архітэктурны план, макет у натуральную велічыню і іншыя падрыхтоўчыя рэчы. На сёння выканкамам і людзьмі папярэдне сабрана 8 200 рублёў на гэтыя працы, але патрабуецца яшчэ 18 000 рублёў».
У лісце спадар Солтан далучыў фота з майстэрні скульптара Сяргея Бандарэнкі, дзе ён працуе над рабочай мадэллю помніка Міндоўгу па зацверджаных эскізах. Мадэль стане асновай для стварэння паўнавартаснага вялікага бронзавага помніка на галоўнай плошчы Наваградка.
Рэквізіты рахунка, на якім збіраюцца сродкі на стварэнне помніка, ёсць на сайце Навагрудскага райвыканкама.
Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада8
Каментары