12.12.2019 / 08:29

Новая палітыка YouTube: якія відэа цяпер нельга публікаваць? 3

Найбуйнейшы сусветны відэахостынг і сацыяльная сетка YouTube, які належыць Google, робіць больш жорсткімі патрабаванні да кантэнту карыстальнікаў, піша bbc.com. Цяпер мадэратары YouTube будуць выдаляць відэа, якія змяшчаюць «наўмысныя абразы» па пэўных прыкметах, у лік якіх уваходзіць расавая, гендэрная або сэксуальная прыналежнасць. Таксама відэахостынг не будзе дазваляць публікаваць матэрыялы, якія нясуць прыхаваную пагрозу гвалту.

YouTube і раней выдаляў відэа, якія ўтрымлівалі відавочную пагрозу гвалту, высмейвалі каго-небудзь з-за вонкавага выгляду, раскрывалі асабістую інфармацыю або заклікалі карыстальнікаў да абразаў таго ці іншага чалавека.

Новыя правілы таксама забараняюць:

  • прыхаваную або адкрытую пагрозу гвалту. Напрыклад, такія намёкі, як «сцеражыся»;
  • імітацыю гвалту ў адносінах да чалавека;
  • наўмысныя абразы па прыкмеце расавай, гендэрнай або сэксуальнай прыналежнасці.

Відэахостынг заявіў, што новыя правілы будуць тычыцца ўсіх, ад палітыкаў ды інфлюэнсераў да простых карыстальнікаў.

Тыя, хто будзе парушаць гэтыя правілы, не змогуць зарабляць на рэкламе. Таксама іх відэа могуць быць выдаленыя, а акаўнты заблакаваныя.

Аднак кіраўніцтва таксама заявіла, што ў гэтых правілах будуць і свае выключэнні. Яны будуць рабіцца для абразаў, якія выкарыстоўваюцца ў сатырычным кантэксце, стэндапе і ў музыцы.

«Усе скаргі карыстальнікаў будуць разглядацца ў індывідуальным парадку, і кантэкст відэа будзе абавязкова брацца ў разлік, - запэўніў Бі-бі-сі прадстаўнік YouTube Ніл Моэн. - Аднак гэта не значыць, што можна будзе абразіць каго-небудзь, а потым сказаць: «Я ж пажартаваў».

NN.by

15
Antyzombie / Адказаць
12.12.2019 / 08:43
Тэрор паліткаррэктнасці. Свабоды слова больш няма.
3
Глеб3000 / Адказаць
12.12.2019 / 11:22
Ютуб патроху робіцца звычайным тэлебачаннем, больш няма амаль што адрозненняў, гэтыя абмежаванні з аднога боку добра, але незалежнасць і свабода платформы страчваецца. Будуць у трэндах шоў тыпу як Амірана у іншых глупстваў блогераў, якія дурманяць мазгі, таму што там усё звычайна просценькі і " паліткарэктна" усім нравіцца і нікога не абражае
1
Матёрый / Адказаць
12.12.2019 / 20:12
Ютуб намерено блакирует просмотр видео. На это жаловались многие блогеры. Знаю по себе. У меня более 5 тысяч подписчиков. С каждым днём их количество растёт. Но просмотров очень мало. Как так?! Вы скажете Ваши ролики не интересны. Но зачем тогда подписываться?! Что делать?!
Каб пакінуць каментар, калі ласка, актывуйце JavaScript у наладах свайго браўзеру