12.12.2019 / 16:24

У Мінску хлопец выкрадаў грошы ў бацькоў сваёй знаёмай, каб пагасіць доўг 2

950 даляраў ЗША і залаты пярсцёнак скралі з кватэры ў 49-гадовай мінчанкі. Праваахоўнікі аператыўна высветлілі асобу выкрадальніка і затрымалі, паведамляе сталічная міліцыя.

Да крадзяжу аказаўся датычны 19-гадовы малады чалавек, які на працягу паўтара месяца прыходзіў у госці да дачкі жанчыны.

Хлопец патлумачыў праваахоўнікам, што даляры ён выявіў у тумбачцы, якая знаходзілася ў бацькоўскім пакоі. Паколькі фігурант меў фінансавыя цяжкасці ў пагашэнні доўгу, то вырашыў скрасці грошы. Першапачаткова скраў 250 даляраў, а прыйшоўшы другі раз, 700 даляраў.

Трэці візіт маладога чалавека скончыўся крадзяжом залатога пярсцёнка, які ляжаў на тумбачцы.

Ювелірны выраб хлопец прадаў, а выручаныя грошы разам са скрадзенымі патраціў на пагашэнне доўгу.

NN.by

2
Свободный / Адказаць
12.12.2019 / 17:51
Эхх а ведь таких и любят
0
Электробус / Адказаць
12.12.2019 / 21:16
Прыйшоў да поспеху
Каб пакінуць каментар, калі ласка, актывуйце JavaScript у наладах свайго браўзеру