13.12.2019 / 14:18

Былому прэзідэнту Кыргызстана Атамбаеву афіцыйна прад’яўлена абвінавачанне ў забойстве 1

kremlin.ru

Былому прэзідэнту Кыргызстана Алмазбеку Атамбаеву афіцыйна прадʼяўлена абвінавачанне ў забойстве начальніка службы спецназа Усэна Ніязбекава, паведаміў кіраўнік МУС Кашкар Джунушаліеў, піша Радыё Свабода.

Паводле яго слоў, стрэл, ад якога загінуў Ніязбекаў 7 жніўня падчас штурму дома Атамбаева ў вёсцы Кой-Таш, быў зроблены са снайперскай вінтоўкі, аформленай асабіста на Атамбаева. Ніязбекаў атрымаў кулявое раненьне ў грудзі і загінуў.

Былы прэзідэнт Кыргызстана, па словах яго адваката, зьяўляецца фігурантам 14 крымінальных спраў. Акрамя забойства спецназаўца яго вінавацяць у арганізацыі беспарадкаў, пагрозах прадстаўнікам улады, незаконным абароце зброі, у перашкодзе следству, захопу закладнікаў, у замаху на забойства, а таксама ў некалькіх эпізодах карупцыі, у прыватнасьці незаконным набыцці зямельных участкаў у Кой-Ташы, дзе Атамбаеў пабудаваў сабе рэзідэнцыю

NN.by

0
Андрюха Горец (Беларусь Витебск ) / Адказаць
13.12.2019 / 23:24
Будет - Сидеть !!!  Я сказал !...
Каб пакінуць каментар, калі ласка, актывуйце JavaScript у наладах свайго браўзеру