Рэцыдывіста злавілі на крадзяжы кашалька ў дзіцячай паліклініцы. Высветлілася, што ў яго 15 судзімасцей
Здарэнне адбылося ў адной з дзіцячых паліклінік Віцебска. 47-гадовы мужчына, які вызваліўся з месцаў пазбаўлення волі, зноў ўзяўся за старое, паведамляе абласная міліцыя.
Пабадзяўшыся па паверхах паліклінікі, ён звярнуў увагу, што з аднаго з кабінетаў выйшла медсястра. Забег ўнутр памяшкання і стаў яго абшукваць. У шафе ён знайшоў сумку, з якой выцягнуў чужы кашалёк. Са здабычай паспяшаўся пакінуць памяшканне.
Медсястра, вярнуўшыся ў пакой, адразу звярнула ўвагу на прапажу і падняла шум. Неўзабаве знайшлася і сведка, якая змагла апісаць падазраванага. Ужо на выхадзе з паліклінікі па апісанні мужчыну ўдалося затрымаць.
Высветлілася, што ён мае 15 судзімасцей за дробныя крадзяжы.
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам9
Каментары