13.12.2019 / 18:19

Бальшавікі просяць Адміністрацыю прэзідэнта дазволіць ім мітынг у падтрымку «саюзнай дзяржавы» 55

Прадстаўнікі каардынацыйнай рады «Адзінства», якая аб’ядноўвае крайне левых прыхільнікаў інтэграцыі з Расіяй, звярнуліся да новага кіраўніка Адміністрацыі прэзідэнта Ігара Сергеенкі з просьбай дазволіць ім мітынг на Кастрычніцкай плошчы апоўдні 20 снежня.

Валерый Драко на фота ў цэнтры.

Пад зваротам падпісаліся Валерый Драко (арганізатар «Бессмяротных маршаў») і бальшавік Васіль Зелікаў. Трэці прадстаўнік «Адзінства» Леанід Школьнікаў «знаходзіўся ў гэтыя дні ў Брусэлі», таму яго подпіса няма пад зваротам.

Заяўнікі пішуць, што 7-8 снежня ў цэнтры Мінска прайшлі акцыі супраць «саюзнай дзяржавы», што выклікала «негатыўную рэакцыю ў беларускім грамадстве». Драко і Зелікаў кажуць, што 20 снежня павінна адбыцца сустрэча Аляксандра Лукашэнкі і Уладзіміра Пуціна, дзе вырашаць «астатнія эканамічныя пытанні».

«Прайшла акцыя «У Еўропу», павінна быць і за саюзную дзяржаву, — кажа ў каментары «НН» Валерый Драко. — Мы ўсё ж не ў Еўрасаюзе жывем, а ў саюзнай дзяржаве. Мы заўсёды былі і будзем за саюз. Калі далей так пойдзе, то можам дакаціцца да ўкраінскага сцэнару».

Валерый Драко кажа, што звярнуліся наўпрост да Адміністрацыі прэзідэнта, бо заяўка ў Мінгарвыканкаме разглядаецца да 15 дзён. Пакуль адказу ад уладаў не прыходзіла.

Дарэчы, акцыя запланаваная на 12:00 у працоўны дзень. Ці не лічыць спадар Драко, што на яе ніхто не прыйдзе? «Як атрымалася, што ўжо тут думаць», — адказвае заяўнік.

«Калі не дазволяць, то збірацца не будзем. Грошай у нас няма, каб штрафы аплочваць. Адрэагуем на гэта праз нашы сайты і газеты», — зазначае Валерый Драко.

Глядзі таксама: Сталіністы-бальшавікі: хто арганізоўвае «Несмяротны полк» у Мінску?

ЗП

17
Свабода / Адказаць
13.12.2019 / 18:26
Правакатары, гэта яны, а не хлопцы-патрыёты, каторыя гатовыя да больш рашучых дзеяў, чым пісаць паперкі уладам
20
Карсынскi / Адказаць
13.12.2019 / 18:31
Судзiць нягоднiкау!
18
падаткаплацельшчык / Адказаць
13.12.2019 / 18:32
Трэба дазваляць. Пералічым, колькі ў Беларусі аматараў "саюзнай дзяржавы".
Паказаць усе каментары/ 55 /
Каб пакінуць каментар, калі ласка, актывуйце JavaScript у наладах свайго браўзеру