14.12.2019 / 23:25

У 50 гадоў памёр Уладзімір Цыплакоў, адзін з найлепшых хакеістаў у гісторыі Беларусі 19

Памёр Уладзімір Цыплакоў, адзін з найлепшых хакеістаў у гісторыі Беларусі. Пра гэта паведамляе партал belarushockey.com.

Уладзімір Цыплакоў нарадзіўся 18 красавіка 1969 года ў горадзе Інта, што ў Рэспубліцы Комі.

У Беларусь ён патрапіў толькі ў 1987, калі перайшоў у мінскае «Дынама». Пасля развалу СССР Цыплакову прапанавалі беларускае грамадзянства і магчымасць гуляць за зборную.

У складзе зборнай Беларусі гуляў на 6 чэмпіянатах свету і дзвюх Алімпіядах (1998 і 2002), быў найлепшым нападнікам. На гэтых турнірах Цыплакоў правёў 46 матчаў, у якіх набраў 48 балаў (24 галы і 24 перадачы).

У сярэдзіне 1990-ых Цыплакоў адправіўся ў ЗША, дзе замацаваўся ў «Лос-Анджэлес Кінгз», а пасля ў «Бафала». У НХЛ правёў 331 матч, у якіх набраў 170 (69+101) балаў.

Цыплакоў быў першым беларусам, які замацаваўся ў НХЛ. Праз год пасля яго загуляў Руслан Салей, у 2000-я з'явіліся Міхаіл Грабоўскі і браты Касціцыны. Цяпер у наймацнейшым хакейным чэмпіянаце свету няма ніводнага беларуса.

Пасля заканчэння кар'еры хакеіста працаваў трэнерам. Узначальваў мінскае «Дынама».

NN.by; фота Buffalo Sabres

4
Павел Ас / Адказаць
14.12.2019 / 23:32
50 год, яшчэ жыць і жыці... І на цябе :(
2
Марына / Адказаць
14.12.2019 / 23:57
Які прыгожы мужчына.
2
Фін / Адказаць
15.12.2019 / 00:04
R.I.P., памятаем. Вечны супакой дай яму Пане.
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру