16.12.2019 / 13:33

Віцэ-кіраўнік Мінска раіць пільнаму пасажыру: Фразу «цягнік далей не ідзе» не трэба ўспрымаць літаральна 6

Пільны мінчук Павел Місуна працягвае змаганне з фразай «цягнік далей не ідзе» ў метро. Ён перакананы, што гэтыя словы ўводзяць усіх у зман: цягнік жа ідзе далей, у тупік.

фота Надзеі Бужан

Чытайце. Мінчук паскардзіўся на метро: Падманваюць, што «цягнік далей не ідзе». Але ён жа ідзе, хай і ў тупік!

Місуна ўжо пісаў скаргу ў Мінскі метрапалітэн, а паколькі гэта не прынесла выніку, звярнуўся ў Мінгарвыканкам. Днямі ён атрымаў адказ за подпісам намесніка старшыні Мінгарвыканкама Аляксандра Дараховіча.

«Фраза «цягнік далей не ідзе», стала ўстойлівым абаротам. Яна правільна ўспрымаецца практычна ўсімі пасажырамі … Гэтая фраза ў такім жа кантэксце гучыць у метрапалітэнах краін СНД і блізкага замежжа, даўно стала данінай добрай традыцыі. Менавіта таму яна ўжываецца з моманту пуску Мінскага метрапалітэна і не страціла сваю актуальнасць. Такія звароты вызначаюць самабытнасць Мінскага метрапалітэна», — гаворыцца ў яго адказе.

«Фраза «цягнік далей не ідзе» нязменна прыцягвае ўвагу пасажыраў, яны аператыўна і своечасова выходзяць з вагонаў пасля яе аб’явы. Змяненне фразы можа адмоўна паўплываць на яе ўспрыманне, у першую чаргу, пасажырамі сталага ўзросту і выклікаць пэўнае неразуменне з іх боку, як сябе правільна паводзіць пры аб’яўленні ў цягніку інфармацыі ў новым выглядзе», — працягвае Аляксандр Дараховіч.

«Фразу «цягнік далей не ідзе» не трэба ўспрымаць літаральна і ў гэтым выпадку належыць разумець як «цягнік далей не ідзе з пасажырамі». Штодзённая практыка на працягу дзесяцігоддзяў паказвае эфектыўнасць гэтай трактоўкі трансляцыі», — падсумоўвае чыноўнік.

«На маю думку, можна лічыць, што Мінгарвыканкам фактычна пацвердзіў усвядомленае выкарыстанне памылковай цяперашняй фразы «цягнік далей не ідзе»», — перакананы заяўнік Павел Місуна.

NN.by

7
Viknik / Адказаць
16.12.2019 / 13:47
Хацеў прадэманстраваць свой розум, а атрымалася наадварот. 
7
Пан Спецыяліст / Адказаць
16.12.2019 / 13:50
Пільны пасажыр знайшоў сабе справу жыцця. Віншаванні... 
Місуна ўжо пісаў скаргу ў Мінскі метрапалітэн, а паколькі гэта не прынесла выніку, звярнуўся ў Мінгарвыканкам. 
Остап Ибрагимович в таких случаях рекомендовал обращаться в лигу сексуальных реформ... :)

https://nn.by/?c=ar&i=242926

1
Inav / Адказаць
16.12.2019 / 13:53
Віцэ-кіраўнік Мінску такое піша? О гэта кіраўнік настаяшчы.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру