16.12.2019 / 14:16

Беларуская апазіцыя звярнулася да грамадзян Расіі наконт пагрозаў «паглыблення інтэграцыі» 13

Фота Надзеі Бужан

Прадстаўнікі дэмакратычных партый і грамадскіх арганізацый Беларусі падпісалі зварот да грамадзян Расіі «ў сувязі з антызаконнымі дзеяннямі ў паглыбленні саюзнай інтэграцыі Расіі і Беларусі», піша Радыё Свабода.

У ім гаворыцца, што «аўтарытарныя кіраўнікі Расіі і Беларусі першапачаткова падпісалі Дамову аб стварэнні саюзнай дзяржавы» толькі для задавальнення сваіх безадказных амбіцый», а рэалізацыя Дамовы «вядзе да ліквідацыі беларускай незалежнасьці і фактычнай анексіі беларускай дзяржавы», што таксама «нясе пагрозу добрасуседскім адносінам Беларусі і Расіі»

Далучэнне да Расіі Беларусі «непазбежна прывядзе да яшчэ большай ізаляцыі Расіі на міжнародным узроўні як краіны агрэсара, што зноўку ўдарыць па дабрабыце простых расіянаў», адзначаецца ў заяве.

Грамадзян Расіі заклікаюць далучыцца да заявы «аб нелегітымнасці дамовы, аб непрызнанні любых «інтэграцыйных» пагадненняў, сакрэтных пратаколаў паміж Пуціным і Лукашэнкам». У заяве таксама дзякуюць расіянам, якія ўжо праводзілі акцыі салідарнасьці ў Маскве і Санкт-Пецярбургу.

Зварот падпісалі:

  • Віталь Рымашэўскі, сустаршыня партыі «Беларуская хрысціянская дэмакратыя»;
  • Павел Севярынец, сустаршыня БХД;
  • Анатоль Лябедзька, «Еўрапейскі дыялог»;
  • Алена Анісім, старшыня Таварыства беларускай мовы;
  • Алясей Марачкін, мастак, заснавальнік суполкі «Пагоня»;
  • Юры Беленькі, намеснік старшыні КХП-БНФ;
  • Алесь Арастовіч, намеснік старшыні «Народнай грамады».

NN.by

8
Лях / Адказаць
16.12.2019 / 14:39
Найшлi да каго заяртацца, ну як дзецi . Хiба вы не ведаеце што такое iмперскi зуд?
5
циник / Адказаць
16.12.2019 / 15:02
лично мне все эти обращения мало интересны, мне интересно только одно: когда будет создано военнизированное освободительное крыло. многие с радостью  воспримут эту замечательную новость. ибо мирного решения не будет. а политическое пускай занимается своими политическими вопросами: обращения, пикетами,  митингами, консультациями и прочим. 
6
вусцішны троль / Адказаць
16.12.2019 / 15:47
Дзіўна. На якую рэакцыю яны разлічваюць ад расіян, дзе каля 75% ватаноў ды імперцаў?
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру