Пра гэта ён сказаў на прэс-канферэнцыі ў Маскве.
Адказваючы на пытанне аб наспелых зменах у Канстытуцыі Расіі, расійскі лідар заявіў, што можна было б прыбраць слова «запар» у законе, дзе агаворваецца колькасць тэрмінаў, на працягу якіх можа кіраваць кіраўнік дзяржавы.
«Ваш пакорны слуга адслужыў два тэрміны, а потым атрымаў канстытуцыйнае права вярнуцца», — растлумачыў Пуцін. Паводле яго слоў, агаворка «запар» бянтэжыць некаторых палітолагаў і грамадскіх дзеячаў.
Згодна з Канстытуцыяй Расіі, адзін і той жа чалавек не можа займаць прэзідэнцкую пасаду больш за два тэрміны запар. Аднак закон дапускае перавыбранне на трэці і чацвёрты тэрміны, калі паміж другім і трэцім быў перапынак.
У Беларусі гэта пытанне было лёгка вырашана праз рэферэндум.
