26.12.2019 / 14:26

Падпіска — самы выгадны спосаб атрымаць «Нашу гісторыю», «Дуду» і «Асцярожна: дзеці!» + інструкцыя, як аформіць падпіску анлайн 1

Самая нізкая цана на часопісы — праз падпіску. Падпіска на «Нашу гісторыю» на месяц каштуе 4,87 рубля (на абаненцкую скрыню — 4,20 рубля), на паўгода — 28,62 рубля (на абаненцкую — 25,2 рубля). Для параўнання: цана ў шапіках і кнігарнях — 5,50. На дзіцячыя часопісы цана падпіскай — 2,64. Тады як цана ў шапіках — 2,86. Дык падпісвайцеся, і будзеце штомесяц чытаць захапляльныя выданні. «Наша гісторыя» апавядае пра беларускую гісторыю цікава, а пра сусветную — з беларускіх пазіцый. А хто падпіша дзяцей на «Дуду» і «Асцярожна: дзеці!», у таго яны вырастуць разумненькія і будуць любіць чытаць.

На поштах падпісацца на паўгоддзе можна да 26 снежня. Праз сістэму «Інтэрнэт-падпіска» на сайце www.belpost.by можна падпісацца — але толькі з лютага ўжо.

Афармленне падпіскі на «Нашу гісторыю» і новыя дзіцячыя часопісы «Дуду» і «Асцярожна: дзеці!» цяпер даступнае:

праз сістэму «Інтэрнэт-падпіска» на сайце www.belpost.by;

праз плацежна-даведкавыя тэрміналы;

у аддзяленнях паштовай сувязі;

дома, запрасіўшы паштальёна.

Падпісныя індэксы:

«Наша гісторыя» 00469
«Дуду» 75081
«Асцярожна: дзеці!» 75080

Як падпісацца на іх не адыходзячы ад камп'ютара? Зрабіць гэта цяпер можна можна на сайце «Белпошты». Для гэтага:

1. Шукаем на сайце раздзел інтэрнэт-падпіскі

У пераліку паслуг трэба выбраць пункт «Падпіска»,

пасля перайсці па спасылцы ў пункт «Інтэрнэт-падпіска».

2. Рэгіструемся

Для гэтага трэба выбраць пункт «Рэгістрацыя фізічных асобаў» уверсе старонкі.

З’явіцца акенца з прапановай пазначыць Ваш электронны адрас.

Напісаўшы адрас, цісніце кнопку «Адправіць ліст» — Вам на электронную пошту будзе дасланая спасылка для далейшай рэгістрацыі.

3. Уносім асабістыя звесткі і адрас для дастаўкі

Перайшоўшы па спасылцы, дасланай на мэйл, Вы пабачыце акенцы для ўнясення Вашых асабістых дадзеных.

Вам трэба будзе прыдумаць (і запомніць!) пароль, пазначыць імя, прозвішча, імя па бацьку і адрас, на які хочаце выпісаць нашы часопісы. Запоўніўшы, цісніце «Працягнуць» — на экране з’явіцца паведамленне пра паспяховую рэгістрацыю.

4. Знаходзім часопісы ў каталозе

Для гэтага ў верхняй частцы старонкі выбіраем рубрыку «Падпіска на выданні». Каб прасцей было знайсці, клікаем на «Алфавітны» спосаб пошуку і звяртаем увагу, каб у акенцы «Тып выдання» стаяла «Часопіс», а не «Газета».

Выбірайце пачатковую літару назвы часопіса. У выпадку «Нашай гісторыі» гэта «Н». У акенцы «На старонцы» варта задаць «50» — не давядзецца гартаць.

Адпаведным чынам праз алфавітны каталог можна знайсці і дзіцячыя часопісы — «Дуду», абраўшы «Д»: 

і «Асцярожна: дзеці!», абраўшы «А»:

Адшукаўшы часопіс у спісе, Вы пабачыце падпісны індэкс, назву, перыядычнасць выхаду і цану. Пасля ў полі справа ад цаны націскаеце «Замовіць». УВАГА: каб замовіць часопіс, дастаткова націснуць адзін раз — клікнуўшы некалькі разоў, можна адправіць у кошык некалькі асобнікаў.

5. Выбіраем тэрмін падпіскі

Калі Вы зробіце замову, пад алфавітам з'явіцца зялёны надпіс, што замова паспяхова трапіла ў Ваш кошык. Каб яе апрацаваць, пераходзьце ў «Кошык» (адпаведная кнопка ў верхняй частцы старонкі).

У акенцы злева стаўце птушачку. Пасля націсніце «Замовіць».

6. Замова зробленая. Засталося аплаціць

Пераходзім у пункт «Замовы» (уверсе старонкі).

І націскаем «Да аплаты».

Калі хочаце плаціць анлайн, на пытанне, якое следам задасць сістэма, варта адказаць адмоўна. (Калі націснеце ОК — атрымаецеквітанцыю на падпіску, якую можна раздрукаваць ды аплаціць у любым аддзялені паштовай сувязі).

Адказаўшы адмоўна, Вы пабачыце даступныя спосабы дыстанцыйнай аплаты і зможаце скарыстацца тым, які Вам найбольш пасуе.

Прыемнага чытання!

* * *

Па ўсіх пытаннях, звязаных з падпіскай, тэлефануйце: (29) 707-73-29 (МТС), (29) 613-32-32 (Вэлком). Таксама звяртайцеся на e-mail: nn@nn.by (з пазнакай «Падпіска»).

NN.by

0
Змітрук / Адказаць
14.01.2020 / 10:25
падпiсаўся
Каб пакінуць каментар, калі ласка, актывуйце JavaScript у наладах свайго браўзеру