Стас Шашок. Фота з Facebook.
Увечары 26 снежня, прыкладна ў 21.00 у Мінску быў затрыманы актывіст Legalize Belarus і «Маладзёжнага блока», экс-кандыдат у дэпутаты Стас Шашок, паведамляе spring96.org.
Па словах яго маці, затрыманне адбылося ў пад'ездзе дома, дзе ён жыве. Ён паспеў паведаміць, што хутчэй за ўсё яго павязуць у РУУС Маскоўскага раёна.
Каля Маскоўскага РУУС сабраліся паплечнікі Стаса, каб даведацца інфармацыю пра яго.
Каля 23.00 сябрам Стаса стала вядома, што ён знаходзіцца ў ЦІП на вул. Акрэсціна. За якое менавіта правапарушэнне ён затрыманы, па якім артыкуле складзены на яго пратакол і калі адбудзецца суд, пакуль невядома. Верагодна, затрыманне звязана з удзелам Шашка ў акцыях пратэсту супраць інтэграцыі з Расіяй.
0
0
0
0
0
0
