У канцы снежня 44-гадовы жыхар Мазыра позна ўвечары знаходзіўся дома. Пачуўшы шум у пад'ездзе, ён выйшаў на лесвічную пляцоўку, піша прэс-служба МУС.
На прыступках сядзелі двое не мясцовых падлеткаў, слухалі музыку і гучна размаўлялі. На просьбу паводзіць сябе цішэй або сысці на вуліцу маладыя людзі адрэагавалі агрэсіўна, завязалася бойка. Падлеткі нанеслі мужчыну не менш за пяць удараў нагамі ў твар і збеглі.
Мужчына патэлефанаваў у міліцыю, прыехаў нарад Дэпартамента аховы са службовым сабакам Альфам. Сабака хутка ўзяў след і прыкладна праз 800 метраў прывёў міліцыянтаў да кватэры аднаго з нападнікаў. Крыху пазней затрымалі і другога
Гэта былі 16 і 17-гадовыя навучэнцы мясцовага ПТВ. Адзін з іх знаходзіцца на ўліку ў ІСН. Усе ўдзельнікі бойкі былі цвярозыя..
