У ЗША не было канкрэтнай інфармацыі аб нападах, якія рыхтаваў кіраўнік элітнага падраздзялення Корпуса вартавых ісламскай рэвалюцыі (КВІР) генерал Касем Сулеймані, але пагроза была рэальнай, заявіў дзяржсакратар Майк Пампеа ў інтэрв'ю тэлеканалу Fox News, піша РБК.
«Няма ніякіх сумненняў, Касем Сулеймані рыхтаваў серыю нападаў. Мы не ведаем дакладна калі і не ведаем дакладна дзе, але гэта было рэальна», - сказаў ён.
Адказваючы на пытанне аб тым, ці сапраўды Сулеймані планаваў падарваць амерыканскую амбасаду, як казаў прэзідэнт Дональд Трамп, Пампеа заявіў, што звязаныя з Сулейманам сілы ў мінулым годзе атакавалі дыпмісію ў Іраку.
«Думаю, няма сумневаў, што Сулеймані меў намер дзейнічаць супраць нашых сіл, нашых дыпламатаў не толькі ў Іраку, але і ў іншых краінах рэгіёну», — дадаў дзяржсакратар.