Белгідрамет распавёў, у якіх гарадах ёсць праблемы з якасцю паветра
Паводле Белгідрамета, у 2019 годзе ў асобных раёнах пяці гарадоў былі праблемы з якасцю паветра. У спісе гэтых населеных пунктаў — Гомель, Жлобін, Мінск, Магілёў і Наваполацк, піша Tut.by.
Даследаванні праводзілі ў гарадах, дзе жыве больш за сто тысяч чалавек.
— Па выніках назіранняў у 2019 годзе, якасць паветра ацэньваецца як досыць спрыяльная, — адзначыла Алена Багадзяж, начальнік службы экалагічнай інфармацыі Белгідрамета. — Выключэнне складаюць некаторыя раёны Гомеля, Жлобіна, Мінска, Магілёва і Наваполацка. У асобныя перыяды года тут назіралася не такое стабільнае экалагічнае становішча. Часцей за ўсё гэта адбывалася падчас дэфіцыту ападкаў і ў неспрыяльных метэаўмовах. Напрыклад, калі быў штыль.
У першую чаргу перавышэння ў паветры назіраліся па аксідах азоту.
— За год у Мінску было ўсяго шэсць дзён з перавышэннем сярэднясутачнай гранічна дапушчальнай канцэнтрацыі, — удакладняе суразмоўца. — Павелічэнне ўзроўню забруджвання атмасфернага паветра аксідамі азоту назіралася ў асноўным у ранішнія і вячэрнія гадзіны. Адной з асноўных прычын гэтага стаў аўтатранспарт. Адзначу, што менавіта аўтатранспарт з'яўляецца для Мінска галоўнай крыніцай забруджвання.
Цяпер чытаюць
Лукашэнка: Мы хочам з Пакістана спецыялістаў, а не проста моладзь. І найперш у Баранавічы20
Каментары