11.01.2020 / 18:28

Найбуйнейшую прэснаводную рыбу прызналі вымерлай 18

Навукоўцы заявілі аб поўным знікненні кітайскіх весланосаў — найбуйнейшых прэснаводных рыб сучаснасці. Пра гэта паведамляе Tut.by са спасылкай на LiveScience.

Апошні кітайскі весланос (Psephurus gladius) быў заўважаны жывым у 2003 годзе. Фота: National Geographic / Qiwei Wei

Від Psephurus gladius жыў у рацэ Янцзы. Адна з прычын вымірання — адсутнасць хуткага ўзнаўлення. Самкі весланосаў дасягалі палавога сталення да 6-15 гадоў, а самцы — да 12-14 гадоў. Аднак у 1970-я ў Янцзы вялі актыўны рыбны промысел. Весланосаў вылоўлівалі ў вялікіх колькасцях: каля 25 тон у год. У выніку да канца дзесяцігоддзя папуляцыя рыб значна скарацілася, і ў 1983 годзе прамысловы лоў весланосаў быў забаронены. Пасля папуляцыя скарацілася яшчэ мацней праз забруджванне вады і будаўніцтва плацін.

«Паколькі няма ніводнай асобіны ў няволі і не захавалася жывых тканак, каб аднавіць від, рыбу варта лічыць вымерлай у адпаведнасці з крытэрамі Чырвонай кнігі», — адзначаецца ў артыкуле.

Лічыцца, што кітайскі весланос быў самай буйной прэснаводнай рыбай. Даўжыня цела магла перавышаць тры метры, а маса — 300 кг. Некаторыя відавочцы заяўлялі, што бачылі рыб, якія дасягалі сямі метраў у даўжыню і 500 кг у вазе, аднак дакладных дакументальных пацверджанняў гэтаму няма.

NN.by

86
Максим / Адказаць
11.01.2020 / 18:52
Все зеленые мира переживают по этому поводу. Ибо, если бы они вымерли в США, можно было бы клеймить проклятых империалистов и требовать от них денег, в качестве компенсации. Но, к превеликому сожалению, они вымерли в США, а значит зеленые не смогут никого раскулачить.
3
Юзік Крулеўскі / Адказаць
11.01.2020 / 19:33
А што той Кітай! Раней па Дзвіне з Балтыйскага мора ласось хадзіў на нераст аж за Віцебск пад Вяліж. Во б цяпер ікрой аб'ядаліся і чырвонай рыбай. Дык латышы набудавалі ГЭС і кабздзец ласасю. Можна было б наехаць на латышоў, каб рыбапрапускныя збудаванні зрабілі... Дык позна! Самі дзве ГЭС з дапамогай кітаёзаў успёрлі!

А яшчэ вадзілася ў Дзвіне такая рыба як сырць, латышы завуць яе вімба. Дужа класная вяленая рыба да піва, проста ашалець! А вы ўсё бядуеце, што ў суседа карова здохла!
11
Тарас-на-тэрасе / Адказаць
11.01.2020 / 19:51
Максим, мы руйнуем усё нешматлікае добрае што засталося ў гэтым сьвеце, але паводле шматлікіх Максімаў, галоўная праблема ўсё адно ў зялёных і лібэралах.
Паказаць усе каментары/ 18 /
Каб пакінуць каментар, калі ласка, актывуйце JavaScript у наладах свайго браўзеру