Трагедыя: летась у дзяўчыны памёр ад раку брат-вайсковец, а цяпер у войску загінуў муж
Два дні таму вайсковец-кантрактнік Дзмітрый Грыцкевіч у Старых Дарогах атрымаў цяжкую траўму, калі спрабаваў заскочыць на гусенічную тэхніку. Адну нагу зацягнула ў гусеніцу цалкам, другую пашкодзіла.
Праз дзень Дзмітрый памёр у шпіталі.
У яго засталася жонка Марыя і двое малых дзяцей, па годзіку кожнаму.
Але аказваецца, што над сям'ёй нібыта нейкі рок: брат Марыі — гэта той самы Міхаіл Рыштоўскі, які памёр ад анкалогіі.
Чытайце: 26-гадовы салдат з Гродзеншчыны памёр ад раку, які развіўся ў арміі. Выявілі яго толькі на чацвёртай стадыі. Хто вінаваты?
Чытайце: «Па рашэнні міністра гэтага салдата не адправілі дадому, а лячылі» — у Мінабароны пракаментавалі сітуацыю з хворым на рак салдатам
У гэтай гісторыі сваякі вінавацілі прызыўную камісію і дактароў часці, якія не здолелі выявіць хваробу і лячылі салдата прымітыўнымі таблеткамі пры канкрэтных скаргах.
Праўда, калі хвароба выявілася, па рашэнні міністра Андрэя Раўкова хлопца лячылі ў найлепшым ваенным шпіталі, хоць юрыдычна ён ужо і не быў ваеннаслужачым. Неўзабаве ён памёр.
А два гады таму ў гэтай жа сям'і хавалі дзіця: родны брат Дзмітрыя Грыцкевіча страціў аднагадовага сына — сям'я вінаваціла ў смерці дактароў.
Чытайце: Смерць дзіцяці ў Нясвіжы: спачатку дактары недаацанілі сур'ёзнасць, пасля рэанімабіль ехаў чатыры гадзіны
І вось цяпер — смерць мужа. Як гэта ўсё перажыць 20-гадовай жанчыне?
«Як мы будзем без яго жыць, я не ведаю, — сказала «Нашай Ніве» Марыя Грыцкевіч. — Мы здымалі тут кватэру, літаральна праз пару дзён мелі атрымаць службовую. Я не хачу верыць, што гэта ягоная памылка — ідзе следства. Мы ж кожную гадзіну званілі дактарам, тыя супакойвалі, што важныя для жыцця органы не закранутыя. Ну думалі, што, можа, без ног будзе, хай інвалід, абы жывы — неяк бы выкруціліся, а тут вось далі надзею і адразу яна знікла».
Дапамагчы сям'і — Марыі і дзецям, — можна пераводам на карту Беларусбанка: 6711 7700 1395 7746, тэрмін дзеяння 12/20.
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам9
Каментары