Кангрэс за незалежнасць прызначылі на 15 сакавіка. Але кандыдатаў у прэзідэнты там вызначаць не будуць
Папярэдні кангрэс прайшоў у снежні 2014 года і быў нешматлюдны, фота Сяргея Гудзіліна
Усебеларускі кангрэс за незалежнасць плануецца правесьці 15 сакавіка 2020 года, у дзень прыняцця Канстытуцыі 1994 года, паведамляе Радыё Свабода са спасылкай на прэс-рэліз аргкамітэта.
«Арганізатары бачаць Кангрэс сапраўды ўсебеларускім форумам, які прадставіць інтарэсы дэмакратычнай апазіцыі, грамадзянскай супольнасці. Таму гэта будзе не столькі з'езд палітычных партый, колькі вялікі сход прадстаўнікоў шырокіх колаў беларускага народу. Такі фармат стане яшчэ больш верагодным, калі некаторыя палітычныя структуры паставяць свае групавыя інтарэсы вышэй за агульнанацыянальныя», — гаворыцца ў прэс-рэлізе.
Паводле арганізатараў, на кангрэсе не плянуецца намінацыя прэтэндэнтаў на ўдзел у «прэзідэнцкай кампаніі». Аднак прапануецца выказаць на ім стаўленне да выбарчага заканадаўства і «выбараў» у Беларусі.
Паводле арганізатараў, агульная колькасць удзельнікаў будзе большай, чым на папярэднім кангрэсе ў 2014 годзе — тады ўзялі ўдзел 63 дэлегаты.
У сувязі з працягам рэпрэсій супраць абаронцаў незалежнасці вырашана выбраць пяць сустаршыняў аргкамітэта. Сярод іх Алена Анісім, Міхаіл Пастухоў, Ігар Рынкевіч і Павел Севярынец. Пятую пасаду пакінулі вакантнай, бо чакаецца далучэньне яшчэ некалькіх партый і буйных грамадскіх арганізацый, і ад адной зь іх будзе абраны яшчэ адзін сустаршыня аргкамітэту. Міжнародным сакратаром аргкамітэта кангрэсу абраная Алена Крушэўская.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3838
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі38
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары