14.01.2020 / 07:17

Іранскі дэпутат: У момант крушэння ўкраінскага «Боінга» паблізу быў яшчэ адзін самалёт 3

У небе над Іранам у момант запуску ракеты, якая трапіла ў Boеing «Міжнародных авіяліній Украіны», знаходзіўся самалёт катарскіх авіяліній. Пра гэта паведамляе «РІА Навіны» са спасылкай на намесніка старшыні камітэта па гарадскім будаўніцтве парламента Ірана Абу аль-Фадыль Мусаві Беюкі.

Ён удакладніў, што ў выпадку з катарскім самалётам авіядыспетчарам атрымалася скаардынаваць дзеянні з іранскімі вайскоўцамі. Паводле слоў дэпутата, калі лайнер увайшоў у іранскую паветраную прастору, пілоты відаць заўважыў святло ў небе, выказаўшы здагадку, што працуе СПА. Яны зрабілі запыт дыспетчарам, тыя ў сваю чаргу перадалі інфармацыю сілам СПА.

Самалёт Boeing 737 «Міжнародных авіяліній Украіны» разбіўся раніцай 8 студзеня неўзабаве пасля ўзлёту з аэрапорта Тэгерана. На борце былі 176 чалавек, усе яны загінулі.

Улады Ірана праз трое сутак пасля катастрофы прызналі, што лайнер быў збіты: аператар сістэмы СПА палічыў яго крылатай ракетай. Прэзідэнт Ірана назваў гэта «недаравальнай памылкай».

NN.by

6
Электробус Vulgaris / Адказаць
14.01.2020 / 08:56
І пачалася расейская хлусня
1
Котіс / Адказаць
14.01.2020 / 12:31
Я уже было подумал про украинский истребитель. Но иранцы гораздо честнее. Боже, какой позор для России - патологический лжец во главе государства. Это я о Путине.
0
Ваўкалак / Адказаць
15.01.2020 / 18:56
Котіс, выпадкі розныя. Іран збіў самалёт над свёй прасторай, зрабілі гэта афіцыйныя войскі. То бок гэта жахлівая памылка, але памылка. У той жа час на Данбасе збілі Расейскія войскі, якіх там афіцыйна не магло быць. Адпаведна ў такім выпадку, ім давялося б прызнаць і сам факт агрэсіі, фактычна ўзяўшы на сябе адказнасць за 13000 смерцяў і сотні тысяч бежанцаў.
Каб пакінуць каментар, калі ласка, актывуйце JavaScript у наладах свайго браўзеру