14.01.2020 / 07:39

Беларусь у 2020-м не гатовая прыняць столькі бежанцаў, колькі летась

У 2020 годзе статус бежанца ў Беларусі могуць атрымаць на 200 чалавек менш, чым летась. Пастанова МУС аб размеркавальных квотах апублікаваная на Нацыянальным прававым інтэрнэт-партале, піша tut.by.

На 2020 год МУС усталёўвае наступныя размеркавальныя квоты рэгістрацыі хадайніцтваў аб наданні статусу бежанца, дадатковай абароны або прытулку:

Брэсцкая вобласць - 120 чалавек;
Віцебская вобласць - 150 чалавек;
Гомельская вобласць - 150 чалавек;
Гродзенская вобласць - 90 чалавек;
Мінская вобласць - 110 чалавек;
Магілёўская вобласць - 80 чалавек.

Статус бежанца ў 2020 годзе змогуць атрымаць 700 чалавек.

У 2019 годзе статус бежанца маглі атрымаць 900 чалавек, у 2018-м — 800 чалавек. Больш за ўсё бежанцаў Беларусь была гатовая прыняць ў 2016 і 2015 гадах - па за 1200 чалавек штогод. У 2013 і 2014 квоты былі нашмат меншыя - 220 чалавек.

NN.by

Каб пакінуць каментар, калі ласка, актывуйце JavaScript у наладах свайго браўзеру