14.01.2020 / 11:38

Прадпрымальная жыхарка Глыбокага 6 гадоў атрымлівала дапамогу з-за смерці мужа, а той быў жывы 3

Гісторыя пачалася яшчэ ў 2005 годзе. Тады жыхарка Глыбокага 1979 года нараджэння, што мела на руках двух малых дзяцей, звярнулася ў суд з заявай аб знікненні мужа. Праз некаторы час суд прызнаў мужа без вестак зніклым і прызначыў выплату дапамогі па страце карміцеля. Аднак у выпадку выяўлення сужыцеля яна абавязана была паведаміць пра гэта ў адпаведныя органы, паведамляе абласная міліцыя.

Праз восем гадоў муж вярнуўся ў Глыбокае і нават двойчы ўбачыўся з пакінутай сям'ёй. Усе гэтыя гады ён знаходзіўся ў Расіі, дзе паспеў абзавесціся сужыцелькай і нават дзецьмі. Да яе ён і адправіўся пасля кароткай сустрэчы. Глыбачанка, якая не ведала, як спагнаць аліменты, не стала апавяшчаць праваахоўнікаў і органы сацыяльнай абароны пра яго нечаканае «ўваскрашэнне» і працягнула атрымліваць выплаты.

Спакойнае жыццё рухнула праз шэсць гадоў. Пасля таго, як супрацоўнікі групы па барацьбе з эканамічнымі злачынствамі Глыбоцкага РАУС сумесна з калегамі з падраздзялення па грамадзянстве і міграцыі выявілі, што муж наведваў яе і дзяцей у 2013 годзе. Цяпер жанчыне пагражае крымінальная адказнасць за незаконнае атрыманне 23 тысяч рублёў дапамогі, налічанай за гэтыя шэсць гадоў. Заведзена крымінальная справа.

NN.by

5
Сержик / Адказаць
14.01.2020 / 12:16
Уж сколько подобных случаев было! Только адекватное наказание поможет. Пока женщин будут прощать, такое будет повсеместно.
4
Henry / Адказаць
14.01.2020 / 12:35
Добрыя сябры альбо суседзя пэўна дапамаглі.
0
NavuchencaBK / Адказаць
14.01.2020 / 17:20
Дзеткі пахваліліся. Маўляў, наш тата шпігун на карысьць радзімкі.
Каб пакінуць каментар, калі ласка, актывуйце JavaScript у наладах свайго браўзеру