14.01.2020 / 12:30

У Мінску банкамат зажаваў 950 рублёў, і кліент зрабіў нетрывіяльна 11

МУС

Пра выпадак, што здарыўся ў пачатку мінулага месяца, піша прэс-служба МУС.

У міліцыю звярнулася жыхарка сталіцы. Яна распавяла, што ў адным з аддзяленняў банка з ёй адбыўся выпадак — банкамат зажаваў 950 рублёў, якія яна хацела пакласці на рахунак.

Жанчына звярнулася па дапамогу да супрацоўнікаў банка, аднак ёй прапанавалі прыйсці праз некалькі дзён. Праз некалькі дзён заяўніца зноў звярнулася ў банк, аднак даведалася, што сума, якую яна клала на рахунак, у банк не паступіла. Мінчанцы было рэкамендавана звярнуцца да праваахоўнікаў.

Міліцыя хутка знайшла зламысніка. Грошы прысвоіў 51-гадовы мінчук, які таксама карыстаўся тым банкаматам.

Падышоўшы да апарата пасля жанчыны, ён заўважыў, што ўнутры прылады для прыёму банкнот знаходзяцца купюры, не прынятыя машынай. Спачатку мужчына паспрабаваў выняць грошы рукамі, аднак, калі гэтага яму не ўдалося, адключыў банкамат ад электрасеткі. Апарат выдаў грошы назад. Мужчына забраў купюры і сышоў.

NN.by

5
Henry / Адказаць
14.01.2020 / 12:33
"Крутиться надо, на трёх работах".
6
Святлана / Адказаць
14.01.2020 / 12:38
Цікава, як просты наведвальнік змог адключыць банкамат ад электрасеткі...
1
Мікола / Адказаць
14.01.2020 / 13:20
ахахахаха, банк ашчадзіў грошы на бесперабойніку... 8))
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру