14.01.2020 / 20:21

У Гомелі пацыент «замініраваў» бальніцу

Сёння днём ад карыстальнікаў сацыяльных сетак пачалі паступаць паведамленні, што Першасавецкая бальніца ў Гомелі замініравана, а ў адным з карпусоў знаходзіцца заложнік, паведамляюць Моцныя навіны.

На 101 патэлефанаваў невядомы мужчына і паведаміў, што гаспадарчая частка замініравана і «хутка выбухне». На месца прыбылі супрацоўнікі міліцыі, МНС, аўтамабіль хуткай дапамогі.

Паколькі частка знаходзіцца ў асобным будынку, было прынята рашэнне эвакуацыю пацыентаў не праводзіць.

Інфармацыя пра заложнікаў у адным з карпусоў не пацвердзілася.

Па выніках праверкі высветлілася, што трывога была лжывай. «Мінёрам» аказаўся 58-гадовы пацыент-калясачнік.

Каб пакінуць каментар, калі ласка, актывуйце JavaScript у наладах свайго браўзеру