Здароўе22

Здаровы абед: што даць дзіцяці з сабой у школу

Новае даследаванне Універсітэта Лідса паказала, што 98% абедаў, якія брытанскія бацькі даюць вучням малодшай школы, не адпавядалі харчовым нормам, піша bbc.com.

Некаторыя школы нават правяраюць хатнія абеды і забіраюць «кантрабандную» нездаровую ежу, напрыклад, сасіскі ў цесце.

А адна акадэмія ў Норвічу нядаўна прапанавала цалкам забараніць абеды з дому, каб больш вучняў елі здаровую школьную ежу.

Дык як мае выглядаць здаровы «сухі паёк»?

Бутэрброд

Эксперты кажуць, што «асноўнай стравай» павінна быць нешта спажыўнае, напрыклад, хлеб, рыс, макарона або бульба. Па магчымасці, лепш аддаваць перавагу цэльназерневым.

Калі вы робіце дзіцяці бутэрброд — дадайце ў яго салату, бо штодня варта есці пяць порцый свежай садавіны і гародніны.

У рэальнасці ж самае папулярнае начынне бутэрбродаў — вяндліна, сыр, курыца, тунец, а затым — шакаладная паста або джэм.

Гародніна, такая як кукуруза і морква, трапляецца ў бутэрбродах рэдка, хоць спецыялісты кажуць, што такое начынне былі б здаравейшым, асабліва ў параўнанні з джэмам або шакаладнай пастай, якія ўтрымліваюць шмат цукру.

Намагайцеся таксама пазбягаць празмернага ўжывання маянэзу і масла.

Снэкі

Даследаванне паказала, што хоць колькасць цукру ў хатніх абедах наогул зменшылася, многія з іх дагэтуль утрымліваюць ежу з занадта высокім утрыманнем цукру, солі ці тлушчаў.

Большасць сухіх абедаў з 1500, якія ўдзельнічалі ў даследаванні, утрымлівалі чыпсы ці іншыя пікантныя закускі, а ў траціне з іх было шакаладнае печыва.

Каб зрабіць абеды здаравейшымі, навукоўцы раяць адзін з гэтых варыянтаў:

соладавы хлеб, фруктовыя кексы, фруктовы хлеб ці садавіна замест шакаладу, збожжавых батончыкаў і печыва;

рысавыя перапечкі або папкорн замест чыпсаў;

ёгурт з нізкім утрыманнем тлушчу і цукру, мяккі сыр з нізкай тлустасцю або жэле без цукру.

Садавіна і гародніна

Нарэжце дзецям яблыкі або дыню і пачысціце мандарыны, каб ім было прасцей іх есці. Калі папырскаць нарэзаную садавіну цытрынавым сокам, яна не зробіцца карычневай.

Вы таксама можаце даць дзіцяці ў школу памідоры чэры, перац і салеру.

Напой

Найлепш піць ваду, але можна даваць дзецям малако або фруктовы сок без цукру.

Іншыя парады экспертаў

Аўтары даследавання кажуць, што прадукты для абедаў лепш купляць і гатаваць разам з дзецьмі — так вы зможаце растлумачыць ім, якая ежа здаровая.

«Даследаванні паказалі, што дзецям трэба даваць пэўную ежу некалькі разоў, перш чым яна пачне ім падабацца. Спачатку гэта могуць быць невялікія порцыі, каб мінімізаваць адкіды, але гэта дасць дзецям час пазнаёміцца ​​з новымі для іх прадуктамі і прывыкнуць да іх».

Каментары2

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі18

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

Усе навіны →
Усе навіны

Сёлета кляшчы кусаюць беларусаў амаль на 11% часцей, чым летась

Столькі праблем, а тут Стрыжак з яго падлеткавымі гульнямі39

Катар прыгразіў Еўропе скарачэннем паставак газу3

Колькасць пацверджаных расійскіх ваенных страт перавысіла 120 тысяч чалавек12

У цэнтры Брэста паставілі гіганцкі помнік гузіку9

Праект Belaruskicry прызнаны экстрэмісцкім фармаваннем4

«Прапаноўваў два блокі Winston, каб перадалі Знаку ліст». Былы палітвязень Дзмітры Міхайлаў — пра Максіма Знака

У Мінску здарыўся чарговы патоп

Шрайбман: Лукашэнка больш прагматычны за Пуціна10

больш чытаных навін
больш лайканых навін

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі18

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

Галоўнае
Усе навіны →

Заўвага:

 

 

 

 

Закрыць Паведаміць