Затрыманне Яна Грыба ў сакавіку 2017 года, фота Радыё Свабода
Кастрычніцкі суд Мінска 15 студзеня аштрафаваў на 810 рублёў 83-гадовага Яна Грыба за ўдзел у пратэстах супраць інтэграцыі Беларусі з Расіяй, піша Радыё Свабода.
Паводле міліцэйскага пратакола, Грыб удзельнічаў у акцыі 21 снежня і з'явіўся на Кастрычніцкай плошчы а 14:00. Грыб сьцьвярджаў, што прыехаў на Кастрычніцкую плошчу а 16:00, каб сустрэцца з Паўлам Севярынцам. У той час пратэстоўцы ўжо разыходзіліся.
На судзе Грыб сказаў, што суды над удзельнікамі пратэстаў супраць інтэграцыі нагадваюць яму трыццатыя гады, і зараз судзяць усіх людзей, якім неабыякава Беларусь.
