17.01.2020 / 08:37

У спрэчцы дэмакратаў за прэзідэнцкі фатэль у ЗША з'явіўся новы лідар 9

Фота з Вікіпедыі

Гэта Берні Сандэрс, які ўпершыню дагнаў па папулярнасці Джо Байдэна сярод выбаршчыкаў, якія гатовыя галасаваць за кандыдата ад Дэмакратычнай партыі на наступных прэзідэнцкіх выбарах. Такія вынікі прадэманстравала апытанне, якое Reuters правяло сумесна з Ipsos на гэтым тыдні.

У адпаведнасці з гэтымі звесткамі, рэйтынг Сандэрса толькі за апошні тыдзень вырас на 2%. Цяпер яго гатовыя падтрымаць 20% выбаршчыкаў ад Дэмакратычнай партыі. Ранейшы лідар — Джо Байдэн - заручыўся падтрымкай 19% апытаных.

Далей у рэйтынгу ідуць Элізабэт Уорэн (12%), Майкл Блумбэрг (9%), Піт Бутыджыдж (6%).

Апытанне таксама паказала, што прыкладна 20% выбаршчыкаў пакуль не вызначыліся з тым, каго яны падтрымаюць на выбарах. Пры гэтым большасць апытаных дапусцілі, што па ходзе выбарчай кампаніі могуць змяніць сваё меркаванне.

Прэзідэнцкія выбары ў ЗША пройдуць у лістападзе 2020 года. Дэмакраты павінны вызначыцца з кандыдатам у ліпені. 

Адметна што, апроч Бутыджыджа, усе астатнія прэтэндэнты паважнага веку. Сандэрсу — 78 гадоў, Блумбергу і Байдэну — 77, Уорэн — 70. Трампу — 73. Бутыджыджу ўсяго 37 

NN.by

19
LitvinM / Адказаць
17.01.2020 / 08:47
Не хапала яшчэ каб замест аўтарытарнага нарцыса абралі зглузду з'ехаўшага сацыяліста. Ужо хай ляпей будзе Трамп
10
Нейкі чалавек / Адказаць
17.01.2020 / 09:03
Стары бздун - і ўсё туды ж. Цьфу.
1
Nokia / Адказаць
17.01.2020 / 10:11
Трэба ім маладога і недасведчанага простага хлопца з народу. Руднэка з фермы))
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру