У Беларусі для выяўлення гандляроў наркотыкамі і патэнцыйных педафілаў створана падраздзяленне інтэрнэт-разведкі. Яно карыстаецца праграмай, якая ў рэжыме рэальным часе адсочвае інтэрнэт-адрасы тых, хто цікавіцца дзіцячым порна. Пра гэта каналу АНТ распавёў начальнік Галоўнага ўпраўлення па наркакантролі і супрацьдзеянні гандлю людзьмі МУС Генадзь Казакевіч, піша Tut.by,
Па словах Генадзя Казакевіча, у інтэрнэце зламыснікі на ўмовах ананімнасці, з ужываннем TOR-браўзэраў і спецыяльных праграм, здаюцца нябачнымі. Але толькі на першы погляд.
— Але мы таксама мяняемся — і стварылі падраздзяленне інтэрнэт-разведкі, якое дастаткова эфектыўна выяўляе і гандляроў наркотыкамі, і патэнцыйных педафілаў. Не буду хаваць: у нас ёсць спецыяльная праграма, якая ў рэжыме рэальнага часу дазваляе бачыць IP-адрасы людзей, якія цікавяцца, напрыклад, дзіцячым порна. І паверце, у гэтым плане маштабы заражанасці рэспублікі досыць сур'ёзныя.
Суразмоўца згадаў, што ў мінулым годзе 487 дзяцей пацярпелі ад дзеянняў педафілаў. А наогул, як паведамлялася раней, за апошнія 6 гадоў колькасць выяўлення і спынення злачынстваў, звязаных з сэксуальным гвалтам над дзецьмі, вырасла ў 22 разы, а колькасць педафілаў - у 7 разоў.
