17.01.2020 / 14:45

У Палацы шлюбаў у Мінску 02.02.2020 распішуць 20 пар. І гэта ў нядзелю! 4

У Палацы грамадзянскіх абрадаў Мінгарвыканкама, што на вуліцы Камуністычнай, дзеля прыгожай даты 02.02.2020 зробяць выключэнне і распішуць маладых у выходны (нядзеля). Пра гэта паведаміла БЕЛТА кіраўнік Палаца грамадзянскіх абрадаў Юлія Кочына.

«Гэтая прыгожая дата выпала на нядзелю — наш выходны, калі мы не распісваем. Але попыт нараджае прапанову. Вырашылі зрабіць выключэнне: з сённяшняга дня прымаем заяву на гэты дзень. 2 лютага стаць мужам і жонкай змогуць 20 пар», - патлумачыла Юлія Кочына.

Па словах кіраўніка Палаца грамадзянскіх абрадаў, вялікі попыт сярод будучых маладых і на дату 20.02.2020 (чацвер) — увесь дзень ужо даўно распісаны. Было пададзена 28 заяў, яшчэ некалькі «фортачак» забраніравана.

NN.by

0
Ляксей / Адказаць
17.01.2020 / 15:31
А пьянка будзе ў суботу, як звычайна. Уяуляю які у Палацы будзе стаяць водар перагару. Хаця можа і не усё прыдуць у нядзелю, маладыя могуць пасварыцца пасля банкету ці сваякі паб'юцца...
0
Віталь / Адказаць
17.01.2020 / 15:32
Правільны выбар, распісацца ў дзень народзінаў Кастуся Каліноўскага! Усім маладым уваход на фэст "Узаемна!/Uzajemna!" вольны! 02.02.2020г.!
1
кронан / Адказаць
17.01.2020 / 15:35
Панты ўсё гэта. Усё адно ў выніку большая палова з гэтых параў развядуцца, а палова другой паловы будуць употай хадзіць адзін ад аднаго на лева.

Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру